សង្វៀន One Championshiop វ៉ៃចប់អាចយកហ្គង់មកផ្ទះបាន

2018-07-05 07:09:59
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង ៤យ៉ាង ដែលអ្នកទស្សនា និងនិយមគុនខ្មែរមួយចំនួនមិនដឹងពីសង្វៀនប្រដាល់លំដាប់អន្តរជាតិ One Championshiop នាពេលកន្លងមក ទី១ ហ្គង់ប្រកួត ទី២ ការតែងខ្លួនមុនប្រកួត ទី៣ របៀបរុំដៃមុនពេលប្រកួត និងទី៤ កន្លែងសំខាន់សម្រាប់ភ្ញៀវពិសេស។ ចំណុចពិសេសទាំងនេះហើយ ដែលវាខុសពីសង្វៀនធម្មតារបស់កម្ពុជានាពេលបច្ចុប្បន្ននេះ។

កន្លែងអង្គុយរបស់កីឡាករម្នាក់ៗ

ទី១ កន្លែងអង្គុយរង់ចាំការប្រកួតមានដាក់ឈ្មោះត្រឹមត្រូវ និងធុងការសម្ភារដូចជាហ្គង់ ទឹកសុទ្ធ កន្សែងមានរៀងៗខ្លួន ហើយពេលប្រកួតចប់អាចយកទៅផ្ទះបាន។ ក្រៅពីនេះមានដាក់ចេក និងទឹកសម្រាប់កីឡាករញុំមុនពេលប្រកួតទៀតផង។

កន្លែងរង់ចាំរបស់កីឡាករមុនពេលប្រកួត

ទី២ ការតែងខ្លួនខុសពីកម្ពុជាដាច់ កីឡាករអាចស្លៀកខោខ្លួនឯងបាន ហើយនៅលើរាងកាយវិញ គឺហាមដាច់ខាតមិនឲ្យលាបទឹក សាលីស៊ីឡាត ឬប្រេងខ្យល់នោះទេ និយាយជារួមនៅលើខ្លួនត្រូវតែស្ងួត បើមានធុំក្លិនអ្វីនោះ គេឲ្យចាញ់ស្វ័យប្រវត្តិ។ តែនៅពេលជិតឡើងសង្វៀនគេមានអ្នកលាបក្រមួនការពារបែកនៅពេលប្រកួតឲ្យ។

កីឡាករកម្ពុជាកំពុងរុំដៃ

ទី៣ នៅកម្ពុជាគេរុំដៃដោយខ្លួនឯង ឲ្យតែមានអ្នករុំឲ្យមិនអីនោះទេ ប៉ុន្តែនៅក្នុងកម្មវិធីខាងលើនេះ គេមានអ្នកបច្ចេកទេសចាំរុំដៃឲ្យតែម្ដង គ្រាន់តែនៅស្ងៀមទៅបានហើយ។

កម្មវិធី One នៅទីក្រុងម៉ាកាវ

ទី៤ កន្លែងអង្គុយទស្សនាមិនមានដាក់សម្រាប់ភ្ញៀវកិត្តិយសដូចនៅសង្វៀនឯកម្ពុជា ឬសង្វៀន Thai Fight នោះឡើយ ពោលគឺមានត្រឹមកន្លែង VIP ប៉ុណ្ណោះ ភ្ញៀវដែលសំខាន់ៗ គឺអាចអង្គុយទស្សនានៅទីនោះតែម្ដង។