ហ៊ុន ច័ន្ទរាជ៖ ប្រាប់សិស្សឲ្យវ៉ៃដៃឲ្យច្រើននាប្រកួតដណ្ដើមខ្សែក្រវាត់នៅថៃ

2018-07-05 02:45:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ៊ុន ច័ន្ទរាជ្យ ប្រាប់ទៅកូនសិស្សឲ្យចេញដៃឲ្យច្រើនទាំង គុជសារ ច័ន្ទរាជ្យ និង អរុណា ច័ន្ទរាជ្យ នាជំនួបដណ្ដើមខ្សែក្រវាត់ MMA នៅប្រទេសថៃនាថ្ងៃទី៧ ខែកក្កដា ឆ្នាំ២០១៨ ខាងមុខនេះ។

លោកគ្រូ ហ៊ុន ច័ន្ទរាជ

លោក ហ៊ុន ច័ន្ទរាជ្យ គ្រូរបស់ក្លឹប Cambodian Tom Team បានឲ្យដឹងថា ការប្រកួតនៅប្រទេសថៃខាងមុខនេះ លោកបានប្រាប់យុទ្ធសាស្ត្រមួយចំនួនដល់កូនសិស្សទាំងពីរនាក់រួចហើយ។ ចំពោះ គុជសារ ច័ន្ទរាជ្យ ធ្វើយ៉ាងណាត្រូវចេញកណ្ដាប់ដៃឲ្យច្រើនតាំងពីទឹកទី១ទៅតែម្ដង ព្រោះអីគេល្អកណ្ដាប់ណាស់។ ការប្រកួតពាក់ហ្គង់ MMA ធ្វើឲ្យកម្លាំងដៃនៅខ្លាំងងាយផ្ដួលដៃគូ ដូច្នេះបើគេព្យាយាមធ្វើតាមអ្វីដែលប្រាប់ អាចនឹងចប់មុន៣ទឹកនាប្រកួតមួយនេះ។ ណាមួយលោកបារម្ភ បើវ៉ៃតាមធម្មតា ប្រហែលនឹងពិបាកឈ្នះបានខ្សែក្រវាត់មកវិញ ព្រោះអីទឹកដីរបស់គេ។

គុជសារ ច័ន្ទរាជ្យ

ចំណែកអ្នកប្រដាល់ថ្មីថ្មោង អរុណា ច័ន្ទរាជ្យ វិញ គ្រូប្រដាល់ MMA ខាងលើ ក៏ប្រាប់មិនសូវខុសគ្នានោះទេ ពោលបើទោះជាត្រឹមប្រកួតមិត្តភាពក៏ដោយ ប៉ុន្តែក៏ត្រូវខំប្រឹងប្រកួតឲ្យអស់ពីចិត្ត និងព្យាយាមវ៉ៃឲ្យខ្លាំងឲ្យច្រើនដើម្បីមិនសូវអស់កម្លាំង និងអាចផ្ដួលដៃគូឲ្យសន្លប់មុនបញ្ចប់ទឹក៣។

អរុណ ច័ន្ទរាជ(រូបភាព CTT)

រំលឹកដែរថា គុជសារ ច័ន្ទរាជ្យ នឹងត្រូវប៉ះអ្នកប្រដាល់ថៃដើម្បីដណ្ដើមខ្សែក្រវាត់ទម្ងន់ ៥៦កីឡូក្រាម លក្ខណៈគុនចម្រុះ MMA ចំណែក អរុណា ច័ន្ទរាជ្យ ក៏ត្រូវប្រកួតមិត្តភាពកម្មវិធី Big Box Beatdown(BBB) នាថ្ងៃទី៧ ខែកក្កដា ឆ្នាំ២០១៨ នៅទីក្រុងបាងកក នេះផងដែរ៕

អត្ថបទ៖ នួន ស៊ីណា