ផាន់ ផាត់ណា ទម្លាយទំនាក់ទំនងជាមួយ ឈឹម សក្កដា មុនពេលស្គាល់ ពេជ្រ សោភា

2018-07-18 04:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង ផាន់ ផាត់ណា សារភាពត្រង់ៗដោយគ្មានលាក់លៀមថា នាង ពិតជាមានទំនាក់ទំនងយ៉ាងជិតស្និទ្ធជាមួយ ឈឹម សក្កដា មុនពេលកំលោះសង្ហារូបនេះស្គាល់ ពេជ្រ សោភា ទៅទៀត។ ដោយផ្ដើមឡើងដំបូងតាមរយៈការសម្ដែងរឿងជាមួយគ្នា។

បន្ទាប់ពីសម្ដែងរឿងជាមួយគ្នារួចមកទំនាក់ទំនងនាង ជាមួយ ឈឹម សក្កដា កាន់តែស្និទ្ធស្នាលទ្វេឡើងពីមួយថ្ងៃទៅថ្ងៃ។ ប៉ុន្តែមិនមែនជាលក្ខណៈស្នេហាបែបបុរស និងស្ត្រីនោះទេ ផ្ទុយទៅវិញវាគឺជាមិត្តភាពបងប្អូនមួយពុំអាចកាត់ថ្លៃ រហូតដល់ពេលមានគ្រួសាររៀងៗខ្លួន។

នាងថា៖" ក្នុងសិល្បៈមិត្តភ័ក្ដិដែលស្និទ្ធស្នាលជាមួយខ្ញុំដូចបងប្អូនបង្កើតគឺបងប្រុស ឈឹម សក្កដា។ ចំណុចពិសេសធ្វើឲ្យខ្ញុំចូលចិត្តគាត់ទី១ ពេលធ្វើការជាមួយគ្នាគាត់បានផ្ដល់បទពិសោធន៍ល្អសម្រាប់ខ្ញុំពេលសម្ដែង។ គាត់បង្រៀនខ្ញុំឲ្យចេះដើរក្នុងសង្គមសិល្បៈថាតើយើងត្រូវធ្វើយ៉ាងម៉េចក្នុងវិថីមួយនេះ។ ខ្ញុំស្និទ្ធស្នាលជាមួយគាត់អត់ខ្លាចបងស្រី សោភា ខឹងទេ ព្រោះយើងស្គាល់គ្នាមុនពេលពួកគាត់ទាំងពីរមានទំនាក់ទំនងជាមួយគ្នា"។

ក្រៅពី ឈឹម សក្កដា តារាសម្ដែង ផាន់ ផាត់ណា គ្មានមិត្តភ័ក្ដិស្និទ្ធស្នាលទៀតទេ។ បើនិយាយ ពីពួកម៉ាក់ក្នុងសិល្បៈជានារី ភេទដូចគ្នានាង រឹតតែគ្មានទៀត ព្រោះចរិតឫកពាខាងក្រៅក្រឡេមក្រឡឺមដូចបុរស។ ហេតុនេះហើយទើបធ្វើឲ្យនាង មានពួកម៉ាក់ជិតស្និទ្ធជាប្រុស៕