ថ្លោះធ្លោយធ្វើឲ្យ ២០០ លានគណនីរងការវាយប្រហារ Yahoo ត្រូវសងថ្លៃខូចខាតមិនចេះតិច

2018-10-25 12:40:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមសារព័ត៌មាន Associated Press ក្រុមហ៊ុន Yahoo បានព្រមព្រៀងលើការសងថ្លៃខូចខាតក្នុងទំហំសាច់ប្រាក់ ៥០ លានដុល្លារ ក្រោយបង្កឲ្យមានការបែកធ្លាយទិន្នន័យប្រមាណ ២០០ លានគណនីនៅសហរដ្ឋអាមេរិកនិងប្រទេសអ៊ីស្រាអែល។

កកាយរឿងចាស់នាឆ្នាំ ២០១៣ ក្រុមហ៊ុនមានមូលដ្ឋាននៅទឹកដីអាមេរិកក៏ធ្លាប់បង្កផលប៉ះពាល់ដល់ ៣ ពាន់លានគណនីទូទាំងសកលលោក លុះមួយឆ្នាំបន្ទាប់ក៏រងរឿងអាស្រូវបែកធ្លាយទិន្នន័យអ្នកប្រើ ៥០ លាននាក់ផ្សេងទៀត ពោលគឺព័ត៌មានទាក់ទងឈ្មោះ ថ្ងៃខែឆ្នាំកំណើត អាសយដ្ឋាន Email កូដសម្ងាត់ និងពេលខ្លះសូម្បីតែព័ត៌មានទាក់ទង Security Question ក៏ត្រូវបានវាយប្រហារផងដែរ។

យ៉ាងណាមិញមិនមែនតែ Verizon ជាក្រុមហ៊ុនមេរបស់ Yahoo សព្វថ្ងៃត្រូវចំណាយទាំងដុលនោះទេ ផ្ទុយទៅវិញ Verizon នឹងជួយបានតែពាក់កណ្តាលប៉ុណ្ណោះ ខណៈ ៥០ ភាគរយផ្សេងទៀតត្រូវទូទាត់ជាមួយក្រុមហ៊ុនមេចាស់គឺ Altaba Inc., ជាអ្នកកាន់កាប់ Yahoo មុនកិច្ចព្រមព្រៀងជាមួយ Verizon ឈានដល់ការសម្រេច។