រាងកប់មិនខ្លាចចូលទឹក! Meizu ចេញកាសថ្មី ២ ម៉ូឌែលតម្លៃចាប់ពី ២៨ ដុល្លារឡើងទៅ
- 2018-12-06 13:01:16
- ចំនួនមតិ 0 | ចំនួនចែករំលែក 0
រាងកប់មិនខ្លាចចូលទឹក! Meizu ចេញកាសថ្មី ២ ម៉ូឌែលតម្លៃចាប់ពី ២៨ ដុល្លារឡើងទៅ
ចន្លោះមិនឃើញ
ព្រមគ្នានឹងការចេញផ្សាយស្មាតហ្វូន C9 ក្រុមហ៊ុនប្រទេសចិន Meizu ក៏ឆ្លៀតបង្ហាញនូវប្រភេទកាសឥតខ្សែ ២ ម៉ូឌែលបន្ថែមទៀតរួមមាន EP52 Lite និង POP ដោយសុទ្ធសឹងមានអាវក្រោះការពារទឹក។
សម្រាប់ EP52 Lite សក្ដិសមសម្រាប់អ្នកប្រើប្រាស់អនុវត្តសកម្មភាពនៅខាងក្រៅ ជាមួយទម្ងន់ស្រាលល្មមត្រឹម ១៦ ក្រាមមានស្តង់ដារ IPX5 មិនខ្លាចញើសឬទឹក គាំទ្រប្រព័ន្ធ Bluetooth 4.2 អាចបើកស្តាប់តន្រ្តីបានពេញ ៨ ម៉ោង ឬ Standby បាន ១៥០ ម៉ោងសម្រាប់សាកមួយពេញម្តង។
ចំណែកឯ Meizu POP មានរូបរាងទាក់ទាញភ្នែកមិនចាញ់កាស AirPods ដោយមានទម្ងន់ខ្លួនស្រាលត្រឹម ៥,៨ ក្រាម គាំទ្រការបញ្ជាតាមរយៈ Touch Control អាចសាកថ្មឥតខ្សែជាមួយប្រអប់ និងរូបរាងធានាពាក់ពេញត្រចៀកមិនខ្លាចជ្រុះ។ ម៉ូឌែលនេះអាចស្តាប់តន្រ្តីបានរយៈពេល ៣ ម៉ោង Standby បាន ១២ ម៉ោងជាមួយថាមពលថ្មទំហំ ៧០០mAh។
កាសទាំងពីរនឹងចរចាក្នុងទីផ្សារឥណ្ឌាចាប់ពីសប្តាហ៍ក្រោយតទៅ ដោយ EP52 Lite ថ្លៃ ២៨ ដុល្លារ និង POP ថ្លៃ ៩៩ ដុល្លារ ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
អ្នកធ្វើ Troll ឆាវឆាវប្រឹងទាំងត្រដរ ទម្រាំរកចំណូលបានជាង ១ ពាន់ដុល្លារក្នុងមួយខែ
ចៀសវាងការក្លែងបន្លំ និងដំណើរការលឿនជាងមុន ក្រសួង រៀបចំបែបបទថ្មីផ្ទេរកម្មសិទ្ធិយានយន្ត
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
