ក្រោមហេតុផល៥យ៉ាងជំរុញ អ៊ឹម ជីវ៉ាសាងផ្នួសជាលើកទី២ដើរតាមផ្លូវព្រះធម៌
- 2019-01-04 03:35:00
- ចំនួនមតិ 0 | ចំនួនចែករំលែក 0
ក្រោមហេតុផល៥យ៉ាងជំរុញ អ៊ឹម ជីវ៉ាសាងផ្នួសជាលើកទី២ដើរតាមផ្លូវព្រះធម៌
ចន្លោះមិនឃើញ
បន្ទាប់ពីឆ្លងឆ្នាំសប្បាយរីករាយរួចមកតារាសម្តែងលោក អ៊ឹម ជីវ៉ា បានសាងផ្នួសដោយចិត្តជ្រះថ្លាជាមួយព្រះពុទ្ធសាសនា បន្ទាប់ពីការបួសលើកទី ១ របស់លោកបានធ្វើម្តងរួចហើយជាសាមណេរក្នុងឆ្នាំ ២០១២កន្លងមក។ ហើយសម្រាប់ការសាងផ្នួសលើកនេះជាលើកទី២របស់លោកប៉ុន្តែយ៉ាងណាសម្រាប់ការបួសនាលើកនេះគឺជាការបួសបំពេញភិក្ខជាភិក្ខុសង្ឃពេញអង្គដែលស្ថិតនៅក្នុងវត្តនាគវ័ន្ត ។
ជាក់ស្តែងជាមួយនឹងការបួសនេះដែរ លោក អ៊ឹម ជីវ៉ា ក៏បានបញ្ជាក់ពីមូលហេតុសំខាន់ៗមកកាន់Sabayថា"លោកធ្វើដោយចិត្តជ្រះថ្លាក្នុងផ្លូវធម៌ និងគោលបំ ណងធំ៥យ៉ាងទៀតដែលលោកបួងសួងប្រាថ្នាសុំក្នុងគ្រាបំពេញចិត្តជ្រះថ្លាតាមផ្លូវព្រះធម៌ក្នុងពុទ្ធសាសនាផងដែរ ។ "ពិសេសទី១ លោកចង់បំពេញតួនាទីជាកូនខ្មែរតាមទំនៀមទំលាប់ព្រះពុទ្ធសាសនា ហើយទី២៖ ដើម្បីសងគុណ អ្នកមានគុណទាំំង២ មនុស្សល្អៗ ដែលតែងតែជួយពេលលោកកំពុងពិបាក វេទនា ទី៣លោក លាមាត់លាពាក្យទាំងឡាយដែលបាននិយាយទាំងអស់ និង សូមខម៉ាទោសចំពោះមនុស្សដែលធ្លាប់ធ្វើខុសលើពួកគាត់ ដោយប្រការណាមិនដឹងខ្លួន និង អភ័យទោសលាងបាបគ្រោះ និងទី៤៖ដោយសារតែលោកធ្លាប់ជាកូនសិស្សលោកនៅវត្តនាគវ័ន្តនិងរស់នៅដោយបាយបាត្រហើយជាពិសេសបំណងទី ៥ ៖ សូមបួងសួងឱ្យប្រជាជនខ្មែរចេះស្រឡាញ់ និង សាមគ្គីគ្នាកាន់តែខ្លាំងឡើងសូមឱ្យប្រទេសយើងមានសុខសន្តិភាពមានការរីកចម្រើនរហូតក្រោមការដឹកនាំប្រកបដោយគតិបណ្ឌិតរបស់ប្រមុខរាជរដ្ឋាភិបាលកម្ពុជាផងដែរ"។ (បើតាមសម្តីលោករៀបរាប់ខាងលើ)
គួររម្លឹកដែថា កម្មវិធីបំបួសរបស់តារាសម្តែងរូបនេះបានរៀបចំកាលពីព្រឹកម្សិលមិញនៅថ្ងៃទី០៣មករា និងមានការចូលរួមពីសាច់ញាតិជាច្រើន និង ក្នុងនោះមានទាំងអ្នកក្នុងរង្វង់សិល្បៈមួយចំនួនធំផងដែរ ។ ហើយអ្វីដែលពិសេសសម្រាប់ពេលវេលាដែលតារាប្រុសរូបនេះបានបំបួស គឺលោកមិនទាន់បានបញ្ជាក់កំណត់ថានឹងចង់សឹកវិញពេលណានៅឡើយនោះទេ ៕
ចង់ដឹងការពិតយ៉ាំងណាមើលរូបភាពខាងក្រោម៖
ផ្តល់សិទ្ធដោយ៖ ក្រុមគ្រួសារលោក អ៊ឹម ជីវ៉ា រូបភាពFB Page & IG៖ លោក អ៊ឹម ជីវ៉ា