រថយន្ត McLaren ផលិតឆ្នាំ ១៩៩៤ មួយគ្រឿងលក់បានជិត ២០ លានដុល្លារ
- 2019-08-20 06:18:39
- ចំនួនមតិ 0 | ចំនួនចែករំលែក 0
រថយន្ត McLaren ផលិតឆ្នាំ ១៩៩៤ មួយគ្រឿងលក់បានជិត ២០ លានដុល្លារ
ចន្លោះមិនឃើញ
រថយន្ត McLaren F1 មួយគ្រឿងដែលផលិតកាលពីឆ្នាំ ១៩៩៤ បានក្លាយជារថយន្តដ៏មានតម្លៃជាងគេប្រចាំឆ្នាំ២០១៩។ រថយន្តត្រូវបានគេប៉ាន់ស្មានថាអាចលក់បានតម្លៃរវាង ២១ លាន និង ២៣ លានដុល្លារ ហើយត្រូវបានលក់ក្នុងតម្លៃ ១៩,៨ លានដុល្លារនៅកម្មវិធីដេញថ្លៃរថយន្តស្ព័របុរាណ។
រថយន្តនេះ គឺជាម៉ូដែល F1 មួយគ្រឿងក្នុងចំណោមពីរគ្រឿង ដែលមានការកែច្នៃពិសេសពីក្រុមហ៊ុន McLaren ធ្វើឲ្យវាមានសមត្ថភាពស្រដៀង នឹងរថយន្តប្រណាំងឈ្នះ 24 Hours of Le Mans របស់ McLaren។ រថយន្តទីពីរដែល ផលិតនៅឆ្នាំ ១៩៩៨ ត្រូវបានដាក់ដេញថ្លៃក្នុងតម្លៃ ១៣,៧៥ លានដុល្លារ កាលពី ឆ្នាំ ២០១៥។
រថយន្តដែលមានតម្លៃខ្ពស់ជាងគេកាលពីឆ្នាំមុន គឺ Ferrari GTO 250 ឆ្នាំផលិត ១៩៦២ ដែលបានលក់ក្នុងតម្លៃ ៤៨,៤ លានដុល្លារ។
ក្នុងចំណោម McLaren F1 ទាំងអស់ ១០៦ គ្រឿងមានតែ ៦៤ គ្រឿងទេដែលស្របច្បាប់អាចបើកបរតាមផ្លូវបាន ដែលក្រៅពីនេះមានបើកបាននៅកន្លែងប្រណាំងឡាន។ រថយន្តខាងលើនេះ ប្រើម៉ាស៊ីន BMW ដែលមានស៊ីឡាំង ១២ ទំហំ ៦,១ លីត្រ ផលិតកម្លាំងបាន ៦៨០ សេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
