Google លុបចោលព្រឹត្តិការណ៍ធំបំផុតប្រចាំឆ្នាំ ដោយសារវីរុស COVID-19

2020-03-05 01:20:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Google បានប្រកាសកាលពីពេលថ្មីៗនេះជុំវិញការលុបចោលនូវព្រឹត្តិការណ៍ដ៏ធំប្រចាំឆ្នាំឲ្យឈ្មោះ I/O 2020 ដែលជាសន្និសីទប្រមូលផ្តុំក្រុមអ្នកអភិវឌ្ឍកម្មវិធីទូទាំងសកលលោក ដោយសារតែព្រួយបារម្ភនឹងបញ្ហាការរាតត្បាតនៃវីរុសផ្លូវដង្ហើមថ្មី COVID-19។

សេចក្តីថ្លែងការណ៍របស់ក្រុមហ៊ុនយក្សអាមេរិកខាងលើសរសេរថា៖ "ដោយសារតែការបារម្ភជុំវិញវីរុស COVID-19 និងការណែនាំពីអង្គការសុខភាពពិភពលោក WHO និងអាជ្ញាធរសុខាភិបាលដទៃទៀត យើងបានសម្រេចលុបចោលព្រឹត្តិការណ៍ Google I/O ដែលគ្រោងនឹងធ្វើឡើងនៅឯ Shoreline Amphitheatre (នៅទីក្រុង Moutain View រដ្ឋ California)។

ចំពោះអ្នកចូលរួមដែលបានជាវសំបុត្រនៃព្រឹត្តិការណ៍ I/O 2020 នឹងទទួលបានការផ្តល់ជូនប្រាក់សំណងត្រលប់មកវិញនៅថ្ងៃទី ១៣ មិនា ឆ្នាំ ២០២០ នេះផ្ទាល់។

គួររំឭកថានេះជាព្រឹត្តិការណ៍ខ្នាតធំទី ៤ ហើយបន្ទាប់ពីការលុបចោលនូវពិព័រណ៍ Mobile World Congress នៅប្រទេសអេស្ប៉ាញ ការលើកពេលព្រឹត្តិការណ៍ F8 របស់ Facebook នៅអាមេរិក ការលុបចោលវេទិកាជជែកពីហ្គេម GDC2020 និងចុងក្រោយនេះផ្ទាល់គឺ Google I/O៕

អានអត្ថបទ:

ប្រភព៖ iclarified ប្រែសម្រួល៖ កៅ រក្សា