ចូលខែថ្មីភ្លាម Ji Young អតីតសមាជិក KARA ត្រូវជួបគ្រោះថ្នាក់ចរាចរណ៍
- 2020-04-03 02:12:57
- ចំនួនមតិ 0 | ចំនួនចែករំលែក 0
ចូលខែថ្មីភ្លាម Ji Young អតីតសមាជិក KARA ត្រូវជួបគ្រោះថ្នាក់ចរាចរណ៍
ចន្លោះមិនឃើញ
នៅថ្ងៃទី ០១ ខែមេសា ភ្នាក់ងារព័ត៌មាន Ilgan Sports បានឲ្យដឹងថា Kang Ji Young អតីតសមាជិកក្រុម KARA បានរងរបួសដោយសារគ្រោះថ្នាក់ចរាចរណ៍ បង្កដោយអ្នកបើកដែលស្រវឹងជោគជាំ។
ប្រភពព័ត៌មានបានបញ្ជាក់ថា Ji Young បានជួបហេតុការណ៍នេះកាលពីយប់ថ្ងៃទី ០១ ខែមេសា ពេលនាងត្រឡប់មកពីថតរឿងថ្មី «Late Night Snack Man and Woman» និងធ្វើដំណើរមកផ្ទះវិញក៏ជួបរឿងបែបនេះតែម្ដង។
ទោះជាយ៉ាងណា គ្រោះថ្នាក់នេះ ធ្វើឲ្យនាងរបួសស្រាលប៉ុណ្ណោះ មិនធ្ងន់ធ្ងរឡើយ ហើយក្រោយពិនិត្យរួចរាល់ នាងក៏បានចេញពីមន្ទីរពេទ្យដេរ ប៉ុន្តែគ្រូពេទ្យនៅតែស្នើឲ្យនាងមកពិនិត្យព្យាបាលជាបន្ត ចៀសវាងមានបញ្ហាអ្វីផ្សេង។
ចំណែកអ្នកតំណាងផលិតកម្មរបស់នាងក៏បានជួនដំណឹងដែរពីករណីគ្រោះថ្នាក់ចរាចរណ៍ពេលនេះ និងកំពុងតាមដានសុខភាពរបស់នាងជាបន្ត ព្រមទាំងទុកពេលឲ្យ Ji Young សម្រាកសិន ព្រោះភ្លាមៗនាងមិនអាចថតរឿងបានឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
