កូន ១មែនពិត តែ Zhao Li Ying បង្អួតចង្កេះអង្ក្រងក្រមុំៗសុំខ្មាស
- 2020-06-24 02:30:00
- ចំនួនមតិ 0 | ចំនួនចែករំលែក 0
កូន ១មែនពិត តែ Zhao Li Ying បង្អួតចង្កេះអង្ក្រងក្រមុំៗសុំខ្មាស
ចន្លោះមិនឃើញ
បង្ហាញក្នុងកម្មវិធីសិល្បៈលើកដំបូងក្រោយឈប់សម្រាកព្រោះជំងឹកូវីដ ១៩ តារាសម្ដែងស្រីល្បីឈ្មោះចិន Zhao Li Ying បង្អួតសម្រស់នៅតែក្មេងខ្ចីរបស់ខ្លួន ទោះសម្រាលកូន១ហើយក៏ដោយ។
កាលពីថ្ងៃទី ១៩ ខែមិថុនាកន្លងទៅនេះ កំពូលតារាសម្ដែងស្រីចិន Zhao Li Ying បានមានឈ្មោះត្រូវបានគេស្វែងរកច្រើនជាងគេនៅលើបណ្ដាញសង្គម Weibo ក្រោយពេលកម្រងរូបភាពថ្មីរបស់នាងត្រូវបានបង្ហោះ។ តាមនោះដែរ នៅថ្ងៃដដែល តួរឿង Princess Agents បានបង្ហាញវត្តមានក្នុងកម្មវិធីរបស់ប្រេនមួយដែលខ្លួនជាអ្នកតំណាងនៅទីក្រុងសៀងហៃ ប្រទេសចិន។ ខណៈពីមុន ប្រពន្ធតារាសម្ដែងប្រុស Feng Shao Feng មិនទាន់យករាងកាលពីក្រមុំបាននោះ នៅក្នុងកម្មវិធីនេះ ស្រីស្អាតវ័យ ៣២ឆ្នាំ បានយករាងចង្កេះអង្ក្រងរបស់ខ្លួនបានមកវិញហើយ។
នៅក្នុងឈុតរ៉ូបដែលចំហររង្វង់ចង្កេះ និងពោះចេញមកនេះ ស្រីស្អាតកើតឆ្នាំ ១៩៨៧ បានធ្វើឲ្យទស្សនិកជនសឹងមិនជឿថា ខ្លួនបានសម្រាលកូន១ហើយទៀតផង ត្បិតរាងរបស់នាងច្រឡឹងខ្លាំងពេក។ ទន្ទឹមនឹងគ្នានេះដែរ អ្នកគាំទ្ររំពឹងថា ទោះកើតកូនហើយមែនពិត តារាស្រីខាងលើនឹងនៅតែល្បីឈ្មោះដូចដើម ព្រោះរឿង The Legend of Fei របស់នាង សហការនឹង Wang Il Bo បានថតចប់រួចហើយ និងគ្រោងចាក់បញ្ចាំងនៅចុងឆ្នាំ៕