ប្លែកមិនដែលប្រទះ! វណ្ណដា រ៉េប ព្រឹទ្ធាចារ្យ គង់ ណៃ លេងចាប៉ីដងវែង កំពុងធ្វើឲ្យប្រិយមិត្តរំជួលបេះដូង

2021-03-29 03:22:32
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង វណ្ណ ដា ចេញចម្រៀងបែបរ៉ែប១បទដ៏គួរឲ្យចាប់អារម្មណ៍ ដោយសារតែបទនេះបង្កប់នូវអត្ថន័យជ្រាលជ្រៅ ហើយបានច្រៀងជាមួយគ្នានឹងកវីចាប៉ីដងវែង ពូកែខាងសំនួនវោហារ គឺលោកតា គង់ ណៃ។ ចម្រៀងមួយបទនេះត្រូវបានរៀបចំថត និងសម្ដែងឡើងដោយក្រុមហ៊ុន Cellcard។

បទ"Time To Rise"ដែលជាសំនៀងរួមគ្នារបស់ វណ្ណ ដា និងលោកតាគង់ ណៃ នេះ ទើបតែត្រូវបានគេចែករំលែកតាមបណ្ដាញសង្គមFacebook ម្សិលមិញ ប៉ុន្តែមានអ្នកចូលទស្សនារហូតដល់៤៦២k។

យោងតាមទំព័រFacebook ផ្លូវការរបស់តារាចម្រៀង វណ្ណ ដា ក្រុមហ៊ុនCellcard បានថ្លែងអំណរគុណដល់ក្រសួងវប្បធម៌ និងវិចិត្រសិល្បៈ និងសារមន្ទីរជាតិដែលបានអនុញ្ញាតឲ្យផលិតវីដេអូបទចម្រៀងនេះឡើង។

Cellcard៖"ខ្ញុំពិតជាមានកិត្តិយសណាស់ដែលលោកគ្រូព្រឹទ្ធាចារ្យ គង់ ណៃ មានវត្តមាននៅក្នុងបទចម្រៀងមួយនេះដែលគាត់ជានិមិត្តរូបម្នាក់ដែលមនុស្សជាច្រើនគោរពស្ងើចសរសើរ លើទេពកោសល្យតន្ត្រីចាប៉ីរបស់គាត់"៕

អត្ថបទ៖ ជិន សុភ័ក្ដ្រ