Khmer Rally Raid Practice បណ្ដុះស្មារតីយុវជន និងពលរដ្ឋឲ្យស្រឡាញ់កីឡា

2022-05-11 07:01:36
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សុំ មនោរម្យ តំណាង ស ស យ ក រាជធានីភ្នំពេញ ថាកម្មវិធីប្រណាំងឡាន ម៉ូតូ Khmer Rally Raid Practice 2022 នេះគឺសកម្មភាពកីឡាមួយ ដែលរួមចំណែកបណ្តុះស្មារតីដល់ប្រជាពលរដ្ឋក៏ដូចជាយុវជនកម្ពុជា ឲ្យចូលរួមស្រលាញ់ និងគាំទ្រកីឡា។

រូបភាពផ្ដល់ជូន

លោក សុំ មនោរម្យ បានឲ្យដឹងថា ការប្រកួត Rally Raid Practice 2022 ជាការប្រកួតមួយដែលល្អ មានសារប្រយោជន៍ច្រើនដូចជាបណ្ដុះស្មារតីយុវជន ប្រជាពលរដ្ឋនានាឲ្យចូលរួមស្រឡាញ់ គាំទ្រកីឡាស្របទៅនិងទិសដៅរបស់រាជរដ្ឋាភិបាលមនុស្សម្នាក់ត្រូវលេងកីឡាយ៉ាងតិចមួយប្រភេទ។

រូបភាពផ្ដល់ជូន

តំណាង ស ស យ ក រាជធានីភ្នំពេញខាងលើបន្ថែមទៀតថា ការប្រណាំងនេះ ក៏ជាផ្នែកមួយយ៉ាងសំខាន់ ក្នុងការផ្សព្វផ្សាយនាំយកទស្សនីយភាពតំបន់ទេសចរណ៍ផ្សេងៗនៅតាមតំបន់ស្រុកស្រែចម្ការ ដែលសម្បូរដោយទេសភាពស្អាតផ្សព្វផ្សាយទៅកាន់មជ្ឈដ្ឋានខាងក្រៅ ដើម្បីទាក់ទាញភ្ញៀវជាតិ និងភ្ញៀវទេសចរណ៍អន្តរជាតិឲ្យទៅលេងកម្សាន្ត នៅតំបន់ទាំងនោះ។

រូបភាពផ្ដល់ជូន

បញ្ជាក់ថា ថ្ងៃទី១ ចេញដំណើរពីរាជធានីភ្នំពេញឆ្ពោះទៅកាន់ខេត្តកំពត មានរយៈចម្ងាយផ្លូវ ១៧៣គីឡូម៉ែត្រ ហើយផ្លូវប្រណាំងមានចម្ងាយផ្លូវ៦៩គីឡូម៉ែត្រ។ ថ្ងៃទី២ ចេញដំណើរពីក្រុងកំពត មកបញ្ចប់នៅ ស ស យ ក រាជធានីភ្នំពេញ មានរយៈចម្ងាយផ្លូវ១៤០គីឡូម៉ែត្រ ចម្ងាយផ្លូវប្រណាំងមាន៤៣.៩គីឡូម៉ែត្រ ដោយឆ្លងកាត់ស្រុកចំនួន៣រួមមាន ស្រុក ជុំគិរី ស្រុកទឹកឈូ និង ស្រុកដងទង់ ដោយរថយន្ត ម៉ូតូ ប្រណាំងទាំងអស់ត្រូវប្រណាំងលើផ្លូវឧបសគ្គមានផ្លូវភ្នំ ភក់ ខ្សាច់ ផ្លូវចម្ការ និង កាត់ភូមិអ្នកស្រុក៕

អត្ថបទ៖ នួន ស៊ីណា