ប្រធានសហព័ន្ធ E-Sports ក្រើនរំលឹកដែលកីឡាករ កីឡាការិនីឲ្យបន្តខំប្រឹងពិសេសការប្រកួត WPML

2023-08-01 01:57:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានសហព័ន្ធ E-Sports កម្ពុជាបានក្រើនរំលឹក និងលើកទឹកចិត្តដល់កីឡាករ កីឡាការិនី ឲ្យបន្តពង្រឹងសមត្ថភាពឲ្យបានល្អត្រៀមការប្រកួតផ្សេងៗពិសេសនោះគឺការប្រកួតពានរង្វាន់ WOWNOW & PRICE MALL LEAGUE (WPML)។

ទិដ្ឋភាពសន្និសីទសារព័ត៌មាន

ឯកឧត្ដម ជា ច័ន្ធបរិបូរណ៍ ប្រធានសហព័ន្ធកីឡា E-Sports កម្ពុជាបានឲ្យដឹងថា សហព័ន្ធតែងតែយកចិត្តទុកដាក់ និងពិសេសតម្រង់ទិសលើវិស័យកីឡា E-Sport នៅកម្ពុជាតែម្ដង។ ព្រោះសហព័ន្ធយល់ឃើញថាកីឡាមួយនេះហាក់នៅថ្មីថ្មោងចំពោះកម្ពុជា កីឡាករ កីឡាការិនីខ្លួនឯងផ្ទាល់ក៏មិនទាន់សូវយល់អ្វីទៅកីឡា។

ទិដ្ឋភាពសន្និសីទសារព័ត៌មាន

ប្រធានសហព័ន្ធខាងលើបន្ថែមទៀតថា សាមិតិផល ជោគជ័យនៅស៊ីហ្គេម លើកទី៣២ គឺមានការភ្ញាក់ផ្អើល និងសរសើរពីសមត្ថភាពក្រុមកីឡា E-Sports ពីបណ្ដាថ្នាក់ដឹកនាំផងដែរ។ ដូច្នេះ២ឆ្នាំខាងមុខនឹងមានការប្រកួតជាថ្មីហើយ ដូច្នេះប្រសិនបើម្នាក់ៗមិនបន្តខំប្រឹងនោះទេ ជ័យជម្នះទាំងនេះនឹងបាត់បង់ទៅវិញ។ ហេតុនេះហើយទើបសហព័ន្ធតែងតែព្យាយាមរកដៃគូសហការ និងបង្កើតឲ្យមានការប្រកួត បង្កើតជាវគ្គបណ្ដុះបណ្ដាលផ្សេងៗជាដើម។ ឯកឧត្ដមសូមឲ្យកីឡាករ កីឡាការិនីបន្តខំប្រឹងប្រែងហ្វឹកហាត់ និងប្រកួតឲ្យអស់ពីសមត្ថភាពដើម្បីពង្រឹងសមត្ថភាព។

ទិដ្ឋភាពសន្និសីទសារព័ត៌មាន

រំលឹកដែរថា ពានរង្វាន់ WOWNOW & PRICE MALL LEAGUE (WPML) នឹងធ្វើឡើងនៅថ្ងៃទី១០-១១ និងថ្ងៃទី១៧ ខែសីហាឆ្នាំ ២០២៣។ វគ្គផ្ដាច់ព្រ័ត្រនឹងធ្វើឡើងនៅ PRICE MALL ក្នុងខេត្តព្រះសីហនុ។ ការប្រកួតនេះសហការឧបត្ថម្ភដោយ WOWNOW PRICE V-Consolidared និងT.Y Media ៕