គ្រូ PSG យល់ថា Mbappe ជាកីឡាករល្អជាងគេលើលោក
- 2023-09-20 10:47:48
- ចំនួនមតិ 0 | ចំនួនចែករំលែក 0
គ្រូ PSG យល់ថា Mbappe ជាកីឡាករល្អជាងគេលើលោក
ចន្លោះមិនឃើញ
គ្រូបង្គោលក្លឹប Paris Saint-Germain លោក Luis Enrique ចាត់ទុកថា ខ្សែប្រយុទ្ធបារាំង Kylian Mbappe ជាកីឡាករល្អជាងគេលើលោក។ លោកលើកឡើងបែបនេះ ក្រោយពេលដែល PSG យកឈ្នះ Dortmund ក្នុងលទ្ធផល ២-០ នៅក្នុងប្រកួតវគ្គចែកពូលនៃព្រឹត្តិការណ៍ UEFA Champions League។
លោកបានលើកឡើងថា៖ «សម្រាប់ខ្ញុំ Kylian ជាកីឡាករល្អជាងគេលើលោក»។
«ក្រៅពីតិចនិកបច្ចេកទេសរបស់គេ អ្វីដែលខ្ញុំចាប់អារម្មណ៍ជាងគេនោះគឺ គុណភាពជាមនុស្សរបស់គេតែម្ដង។ ខ្ញុំពិតជាសប្បាយចិត្តណាស់ ពេលឃើញគេនៅក្នុងបន្ទប់ផ្លាស់សម្លៀកបំពាក់។ គេជាមេដឹកនាំម្នាក់ ហើយតែងតែមានស្នាមញញឹមជានិច្ច»។ នេះជាការបន្ថែមរបស់លោក។
Mbappe ស៊ុតចូលមួយគ្រាប់ តាមរយៈគ្រាប់បាល់ពិន័យ ១១ម៉ែត្រ នៅក្នុងប្រកួតប៉ះ Dortmund នៅក្នុងរដ្ឋធានីប៉ារីស។
កីឡាកររូបនេះ ត្រូវបានពាក្យចចាមអារ៉ាមមួយចំនួនចុះផ្សាយថា មានបញ្ហាជាមួយក្លឹប PSG ដោយសារតែគេមានបំណងចាកចេញទៅរកទ្រនំថ្មី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
