ល្ហិចល្ហៀងថា PSG មិនបើកប្រាក់ខែ និងប្រាក់ Bonus ឲ្យ Mbappe

2024-05-29 13:22:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Paris Saint Germain ត្រូវបានពាក្យចចាមអារ៉ាមជាច្រើនបានលើកឡើងថា ក្លឹបនេះមិនបានបើកប្រាក់ខែ និងប្រាក់ Bonus ឲ្យខ្សែប្រយុទ្ធ Kylian Mbappe។ នេះបើយោងតាមការចុះផ្សាយរបស់ L'Equipe នៅក្នុងថ្ងៃនេះ។

បើតាមប្រភពខាងលើ PSG មិនបានបើកប្រាក់ខែមេសា និងប្រាក់ Bonus កាលពីខែកុម្ភៈនោះទេ ដោយបានធ្វើឲ្យក្លឹបនេះអាចសល់លុយខ្ទង់ ៨០លានអ៊ឺរ៉ូ។

យ៉ាងណា PSG បានធ្វើការឆ្លើយតបដោយថាក្លឹបបានភ្លេចបើកឲ្យ Mbappe។ ក៏ប៉ុន្តែរឿងនេះត្រូវបានគេដឹងថានេះជាទម្លាប់របស់ក្លឹបបារាំងនេះដើម្បីបង្ហាញទៅកីឡាករនៅពេលដែលម្ចាស់ក្លឹបមិនពេញចិត្ត។

Mbappe ក៏ធ្លាប់ត្រូវបានខាងក្លឹបមិនដាក់ចូលប្រកួតមួយចំនួនផងដែរ បន្ទាប់ពីលិចឮដំណឹងថាកីឡាករនេះនឹងចាកចេញទៅកាន់ Real Madrid។

យ៉ាងណាដំណឹងកីឡាករនេះផ្លាស់ទៅ Real Madrid នេះអាចនឹងកើតមានឡើងព្រោះតែកីឡាករនេះមិនព្រមបន្តកុងត្រាថ្មីជាមួយ PSG ។

មួយវិញទៀតកីឡាករនេះត្រូវបានគេដឹងថា បានធ្វើការទិញផ្ទះនៅ Madrid ប្រទេសអេស្ប៉ាញរួចរាល់ហើយដោយមានតម្លៃ ១៥លានអ៊ឺរ៉ូឯណោះ។

នៅក្នុងរដូវកាលឆ្នាំ២០២៣/២៤នេះ Mbappe បានជួយ PSG ឲ្យឈ្នះពាន Ligue 1 ពាន French Cup និង UCL វគ្គពាក់កណ្ដាលផ្ដាច់ព្រ័ត្រ ជាមួយនឹងការចូលប្រកួត ៤៨ប្រកួត និងស៊ុតចូល ៤៤គ្រាប់៕