គិតទៅចរិតកំប្លែងទៅដល់ទីណាក៏ចឹង! Grealish ថាឲ្យ Arnold ៥០០ផោនបើទាត់ចូលយប់មិញ
- 2024-10-14 00:15:00
- ចំនួនមតិ 0 | ចំនួនចែករំលែក 0
គិតទៅចរិតកំប្លែងទៅដល់ទីណាក៏ចឹង! Grealish ថាឲ្យ Arnold ៥០០ផោនបើទាត់ចូលយប់មិញ
ចន្លោះមិនឃើញ
ក្នុងជំនួបអង់គ្លេស និងក្រុមបាល់ទាត់ជម្រើសជាតិហ្វាំងឡង់ បានបញ្ចប់ទៅដោយក្រុមផ្ញៀវ អង់គ្លេស បានយកឈ្នះក្នុងលទ្ធផល៣-១ សម្រាប់ការប្រកួតព្រឹត្តិការណ៍ UEFA Nations League យ៉ាងណាក្នុងចំណោម៣គ្រាប់នោះ Alexader-Arnold រកបានមួយគ្រាប់ ប៉ុន្តែរឿងដែលកំប្លែងនោះ Jack Grealish បាននិយាយមុនពេល Arnold ទាត់ចូលបាល់ហ្វ្រីឃីកថា «បើទាត់ចូលឲ្យ៥០០ផោន»។
«ខ្ញុំបាននិយាយលេងទៅកាន់ Trent Alexader Arnold ថា បើបាល់ហ្រ្វីឃីកហ្នឹង Arnold ឯងទាត់ចូលខ្ញុំឲ្យ៥០០ផោន ហើយគាត់ស៊ុតចូលមែន»។ នេះជាសម្ដីរបស់ Gack Grealish ប្រាប់ទៅកាន់ ITV មុនបន្ទាប់ពីចប់ការប្រកួត។ មួយគ្រាប់នោះមានរយៈចំងាយប្រហាក់ប្រហែលជា ២៥យ៉ាត ហើយវាជាគ្រាប់ទី២បន្ទាប់ពី Grealish បានស៊ុតគ្រាប់ទី១ក្នុងនាទីទី១៨ វគ្គទី១ និងគ្រាប់ទី៣របស់អង់គ្លេសរកបានដោយ Declan Rice រកបាននៅនាទីទី៨៤ មុនពេលបញ្ចប់ការប្រកួតខាងម្ចាស់ផ្ទះ ហ្វាំងឡង់ ក៏រកបានមួយគ្រាប់ត្រឡប់មកវិញដែរពោលគឺនៅនាទីទី៨៧ជិតហ្នឹងបញ្ចប់ទៅហើយដែលរកបានដោយ A. Hoskonen ។
គិតមកដល់ពេលនេះអង់គ្លេសមាន៩ ពិន្ទុស្ថិតនៅលេខ២ក្នុង League B ក្រុមទី២ ខណៈ គ្រិច មាន១២ពិន្ទុពេញស្ថិតនៅលេខ១ក្នុងពូល៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
