Jose Mourinho ត្រូវអាជ្ញាកណ្ដាលបណ្ដេញចេញពីទីលានរឿងតវ៉ាចង់បានបាល់ប៉េណាល់ទី
- 2024-10-25 07:35:00
- ចំនួនមតិ 0 | ចំនួនចែករំលែក 0
Jose Mourinho ត្រូវអាជ្ញាកណ្ដាលបណ្ដេញចេញពីទីលានរឿងតវ៉ាចង់បានបាល់ប៉េណាល់ទី
ចន្លោះមិនឃើញ
លោក Jose Mourinho ត្រូវបានអាជ្ញាកណ្ដាលជនជាតិបារាំងលោក Clement Turpin ដកកាតក្រហមបណ្ដេញចេញពីទីលានភ្លាមៗបន្ទាប់ពីមានការតវ៉ាខ្លាំង និងប្រើសំដីមិនសមរម្យរឿងតវ៉ាទាមទារបាល់ពិន័យ១១ម៉ែត្រក្នុងការប្រកួតរវាង Fenerbahce និង Manchester United ដែលបញ្ចប់ទៅ១-១ ក្នុងការប្រកួត UEFA Europa League កាលពីយប់ថ្ងៃទី២៤ ឈានចូលថ្ងៃទី២៥ នៅទឹកដី Istanbul ប្រទេសទួរគី។
Manchester United បានដាក់មួយគ្រាប់មុននៅនាទីទី១៥ ដោយខ្សែបម្រើ C,Eriksen ហើយចូលដល់វគ្គទី Y.En-Nesyri តែតតាមបាន១ទល់១។ ក្រោយមកចូលដល់នាទីទី៥៨ Bright Osayi-Samuel របស់ក្រុមម្ចាស់ផ្ទះបានដួលក្នុងប្រអប់ បន្ទាប់ពីមានការប្រជែងគ្នាជាមួយខ្សែបម្រើរបស់បិសាចក្រហម Manuel Ugarte នាទីទី៥៨ ។ ការតវ៉ានោះអាជ្ញាកណ្ដាលមើលឃើញថាហួសហេតុទាំងការស្រែក និងកាយវិការក៏សម្រេចចិត្តដកកាតក្រហមបណ្ដេញចេញពីទីលានតែម្ដង។
សូមបញ្ជាក់ថា ៣ប្រកួតរបស់ Fenerbahce ក្រោមការដឹកនាំរបស់ Jose Mourinho នៅ Europa មិនទាន់ស្គាល់ពាក្យថាចាញ់ទេ ពោលគឺ៣ប្រកួតឈ្នះ១និងស្មើ២ ខណៈបិសាចក្រហមវិញគឺមិនទាន់ស្គាល់ជាតិដូចគ្នាគឺមិនទាន់ស្គាល់ជាតិឈ្នះពោល៣ប្រកួតស្មើទាំង៣៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
