អ្នក​ឧកញ៉ា លាង ម៉េង សហ​ស្ថាបនិក និង​ជា​ប្រធាន​ក្រុម​អគ្គនាយកក្រុមហ៊ុន​​ ខ្មែរ ប៊ែវើរីជីស ​បាន​មាន​ប្រសាសន៍​ថា លោក​នឹង​ផ្ដល់​នូវ​ទឹក​ប្រាក់​ប្រមាណ​ជា​២​ម៉ឺន​ដុល្លារ​អាមេរិក​ ប្រសិន​បើ​ក្រុម​កីឡា​ E Sports កម្ពុជា​​អាច​យក​បាន​ភាពជោគជ័យ​ ឬ​ក៏​ឈ្នះ​មេដាយ​មាស​ជូន​ជាតិ​មាតុភូមិ​​ក្នុង​ការ​​ប្រកួត​ព្រឹត្តិការណ៍​កីឡា​ស៊ីហ្គេម​លើក​ទី​៣៣​ ដែល​នឹង​ធ្វើ​ឡើង​នៅ​ទឹកដី​ថៃ​នា​ចុង​ឆ្នាំ​២០២៥ នេះ​។

​ការ​​លើក​ឡើង​​​នេះ​​ធ្វើ​ឡើង​នៅ​ក្នុង​ការ​​​កម្មវិធី​ ចុះ​ហត្ថលេខា លើ​អនុស្សរណៈ​យោគយល់​ ( Signing Ceremony Of Memorandum Of Unerstaning Between Khmer Beverages and TY Media ។ ​កាល​ពី​រសៀល​ថ្ងៃ​ទី​២៧ ខែ​មេសា ឆ្នាំ​២០២៥ នៅ​ទី​ស្នាក់​ការ​របស់ TY Media ។

ក្នុង​​កម្មវិធី​ខាង​លើ​អ្នក​ឧកញ៉ា​​បាន​​លើក​ឡើង​ថា កន្លង​ទៅ​លោក​បាន​​សន្យា​ផ្ដល់​មាស​ពីរ​​ទម្ងន់ ២​គីឡូ​ប្រសិន​បើ​ខាង​បាល់ទះ​គេអាច​ឈ្នះ​មេដាយ​​នៅ ស៊ីហ្គេម​ ហើយ​ឥឡូវ​នេះ​​លោក​ក៏​បាន​សន្យា​ថា នឹង​ផ្ដល់​ការ​ដូ​២​ម៉ឺន​ដុល្លារ​ ​ប្រសិន​បើ​ខាង E Sports ទទួល​បាន​ជោគជ័យ​ដែរ​។ បន្ទាប់​ពី​អាច​ក្លាយ​ជា​កីឡាករ​ក្នុង​ក្រុម​ E Sports បាន​ហើយ លោក​សង្ឃឹម​ថា ថ្ងៃ​ណា​មួយ​ប្អូន​ៗ​ដែល​ជា​ Players ទាំង​អស់​អាច​ចាប់​​ផ្ដើម​​វិវឌ្ឍន៍​ខ្លួន​ក្លាយ​​ទៅ​ជា​អ្នក​សរសេរ​កម្មវិធី​ដើម្បី​ធ្វើ​វា​ឲ្យ​ក្លាយ​មកជា​របស់​ខ្លួន​​បាន​។

ជា​មួយ​គ្នា​នោះ​លោក លន់ សាមឌី អគ្គលេខាធិការ​ សហព័ន្ធ​កីឡា​អេឡិច​ត្រូ​និក​កម្ពុជា ​ក៏​បាន​លើក​ឡើង​ដែរ​ថា ក្នុង​នាម​សហព័ន្ធ​កីឡា​អេឡិច​ត្រូនិក​កម្ពុជា​ឯកឧត្ដម​ប្រធាន​ ខ្លួន​លោក​ផ្ទាល់​ និង​ក្រុម​គ្រួសារ​ Ssports កម្ពុជា​សូម​ធ្វើ​ការ​អរគុណ​យ៉ាង​ជ្រាលជ្រៅ​ដល់​ក្រុម​ហ៊ុន​​ភេសជ្ជៈ Vikingz ដែល​បាន​ផ្ដួច​ផ្ដើម​រៀបចំ​ព្រឹត្តិការណ៍ ​ប្រកួត​កីឡា​អេឡិត្រូនិក​ Vikingz Warrior Mekong Invitations 2025 លើ​វិញ្ញាសា​ Mobile Legends Bang Bang នេះ​ឡើង​ ដែល​ការ​ប្រកួត​នេះ​គឺ​ស្រប​តៅ​តាម​​ផែនការណ៍​អភិវឌ្ឍន៍​របស់​សហព័ន្ធ​ ដែល​ចង់​ឲ្យ​មាន​ការ​ប្រកួត​លក្ខណៈ​អន្តរជាតិ​ឲ្យ​បាន​កាន់​តែ​ច្រើន​ ដើម្បី​អភិវឌ្ឍន៍​ ធន់​ធាន​មនុស្ស​រួម​មាន​គ្រួ​បង្វឹក​ កីឡាករ​-​កីឡា​ការិនី​ មន្ត្រី​បច្ចេកទេស និង​អាជ្ញាកណ្ដាល​។

ទន្ទឹម​នឹង​នោះ​លោក ឈុន សំណាង អគ្គនាយក​ក្រុម​ហ៊ុន​ ធី វ៉ាយ មេឌា ជាក់​ស្ដែង​ថ្ងៃនេះ​លោក​ពិត​ជា​សប្បាយ​ចិត្ត​ខ្លាំង តាំង​ពី​ដើម​មក​មិន​ថា​ការ​ប្រកួត​ថ្នាក់​ជាតិ ឬ​ការ​ប្រកួត​ផ្សេង​ៗ ខាង​ TY Media បាន​ព្យាយាម​រក​ដៃ​គូ​សហការ​ អ្នក​ឧបត្ថម្ភ​​នានា​។ ប៉ុន្តែ​នៅ​ពេល​​ទៅ​ដល់​ទីតាំង​ធំ​ៗ​មួយ​ចំនួន​​​គឺ​តែង​តែ​ទទួល​បាន​លទ្ធផល​មិន​ល្អ​កប់​ប្រសើរ ដោយ​សារ​តែ​ក្រុម​ហ៊ុន​ទាំង​នោះ​មិន​ទាន់​ស្គាល់​អ្វី​ទៅ​ជា Esports ​មិន​ទាន់​ស្គាល់​ពី​គុណតម្លៃ​នៃ ESports ។

​លោក​បាន​បន្ថែម​ថា ក្រុម​ហ៊ុន​ខ្លះ​គេ​គិត​ថា វា​ជា​ហ្គេម ឬ​​គេ​តែង​គិត​ថា ក្មេង​ៗ​គិត​តែ​លេង​ហ្គេម​មិន​គិត​ការ​រៀន​សូត្រ​។ ​យ៉ាង​ណា​បើ​តាម​គោលការណ៍​របស់​សហព័ន្ធ និង​ក្រសួង​អប់រំ​យុវជន​ និង​កីឡា គឺក្រៅ​តែ​ពី​ម៉ោង​​ប្រកួត និង​ពេ

ល​ហ្វឹកហាត់ គឺ​សុទ្ធ​តែមាន​ពេល​វេលា​គ្រប់​គ្រាន់​ដើម្បី​សិក្សា​ផងដែរ​។ រហូត​មក​ដល់​ឆ្នាំ​២០២៥ នេះ​លោក​បាន​ព្យាយាម​ទាក់​ទង​ទៅ​កាន់​ក្រុម​ Khmer Beverages ដើម្បី​បានជួយ​ដល់​ Queen Legends ជា​រដូវ​កាល​ទី​១ និង​ដំបូង​បំផុត​សម្រាប់​លីគ​នារី​នៅ​កម្ពុជា​ នៅ​ទី​បំផុត​គឺ​ទទួល​បាន​ផ្លែផ្កា​ការ​ជួយ​ឧបត្ថម្ភ​គាំទ្រ​ពី​ក្រុម Khmer Beverages ៕