សួង សាខារ៉ានីត សម្ដែងជាប្រពន្ធចុង ចា រិទ្ធី វិញម្ដង

2015-04-17 16:40:43
ចំនួនមតិ 0 | ចំនួនចែករំលែក 0

ចន្លោះមិនឃើញ

សួង សាខារ៉ានីត កំពុងថតរឿង "កំពូលអង្គរក្សស្រី" របស់ផលិតកម្ម Rich Kids Media ក្នុងនាមជាប្រពន្ធចុងរបស់ លោក ចា រិទ្ធី វិញម្ដង ដែលមានចរិតកាចឆ្នាស និង ពិសពុលទៀតផង។

តារារូបនេះនិយាយថា៖ "ទៅណាគេចមិនផុតពីតួប្រពន្ធគេទេខ្ញុំ រឿងមុនតួប្រពន្ធដើម តែពេលនេះតួប្រពន្ធចុងគេវិញម្ដង ទ្រាំៗទៅស្រឡាញ់ហើយ"។ តារាស្រីរូបនេះបញ្ជាក់ថា ភាពយន្តថ្មីនេះ ដំណើរការថតមួយរយៈមកហើយ នៅរាជធានីភ្នំពេញ ប៉ុន្តែ ពេលនេះត្រូវផ្អាកបណ្ដោះអាសន្នសិន ព្រោះជារដូវចូលឆ្នាំ។ ទោះបីជាយ៉ាងណា តារាស្រីវ័យ ២៥ ឆ្នាំ ខាងលើឱ្យដឹងថា រហូតមកដល់ពេលនេះ នាងបានចូលរួមថតកុនខ្មែរចំនួនប្រមាណ៨រឿងមកហើយដែរ។ រឿងចុងក្រោយទទួលបានជោគជ័យគួរកត់សម្គាល់ ដែលមានចំណងជើងថា៖ "ហេតុអ្វី" របស់ផលិតកម្ម Rock កាលនោះក្នុងនាមជាប្រពន្ធដើម។

តារាស្រីដដែលបន្តថា យោងតាមបទពិសោធន៍នាពេលកន្លងសម្រាប់ការសម្ដែងរួមទាំងស្ប៉តពាណិជ្ជកម្មផងនោះ ធ្វើឱ្យនាងមិនបានជួបផលលំបាកនៅក្នុងការសម្ដែងរឿងនោះទេ ទោះជាតួប្រភេទណាក៏ដោយ។ នាងបន្តថា៖ "ចរិតកាចឆ្នាសក្នុងរឿងអីហ្នឹង ខ្ញុំធ្លាប់បានឆ្លងកាត់បទពិសោធន៍អស់ហើយ គ្រាន់តែខុសគ្នាតិចតួចប៉ុណ្ណោះ ទៅតាមការចង់បានរបស់អ្នកនិពន្ធ និង អ្នកដឹកនាំរឿង"។

ទោះបីជាយ៉ាងណា ប្រភពដដែលមានជំនឿថា វណ្ណកម្មភាពយន្តរឿង "កំពូលអង្គរក្សស្រី" អាចក្លាយជាទស្សនីយភាពមួយប្លែក ក្រោយការចាក់បញ្ចាំងនាពេលខាងមុខ យោងតាមសេណារីយោរឿង។ ម្យ៉ាងទៀត បទពិសោធន៍ភាពយន្តកន្លងមកមានចំណងជើងថា "៧ថ្ងៃ" ធ្លាប់បានទទួលការគាំទ្ររួចទៅហើយពីសំណាក់ទស្សនិកជនថ្មីៗនេះ។ ម្ចាស់ហាងសាឡនយីហោ "រាជិនីសម្ផស្ស" រូបនេះបន្តថា បង្ហាញជំនឿមុតមាំថា នឹងទទួលបានការគាំទ្រមិនខានក្រោយចរាចរលើទីផ្សារ៕

អានអត្ថបទ៖ ការពិតកុមារាធ្លាប់យំឱប ខាត់ សុឃីម ជំនួសម្ដាយនៅ Cambodia’s Got Talent ជាដៃស្គរពូកែ អានអត្ថបទ៖ ញាក់សាច់!…ឡៃ ថានុន ត្រៀមថតឈុតស៊ីជន្លេនផ្ទាល់មាត់មែនទែន