អ្នកដឹកនាំរឿងវ័យ២២ឆ្នាំ ប្រកាសរើសតួសម្ដែងច្រើននាក់

2015-05-01 18:19:18
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជន ធី វ៉ាន់ថា អ្នកដឹកនាំរឿងក្នុងផលិតកម្ម Eye Dream Creative បានប្រកាសស្វែងរកតារាជាច្រើននាក់ ដើម្បីចូលរួមសម្ដែងកុនភាគ សម្រាប់ចាក់ផ្សាយលើកញ្ចក់ទូរទស្សន៍CTN បន្ទាប់ពីបានទទួលអាជ្ញាប័ណ្ណកាលពីពេលថ្មីនេះ។

ធី វ៉ាន់ថា អ្នកដឹកនាំរឿងវ័យក្មេង

យុវជន ធី វ៉ាន់ថា ជាអ្នកនិពន្ធ និងដឹកនាំរឿងបានបញ្ជាក់ថា ការសម្រេចចិត្តផលិតកុនភាគនេះ គឺបន្ទាប់ពីមើលឃើញភាពជោគជ័យគួរកត់សម្គាល់នៃកម្មវិធី"Untold Story” ដែលកំពុងដំណើរការលើកញ្ចក់ទូរទស្សន៍ខាងលើ និងជាស្នាដៃសហការផលិតរបស់ពូកគេ។ យុវជនវ័យ២២រូបនេះបញ្ជាក់ទៀតថា ផលិតកម្មត្រូវការតួសម្ដែងគ្រប់វ័យសូម្បី អ្នកគ្មានបទពិសោធន៍ក៏ដោយ ក៏យកដែរ។ ចុចទីនេះដើម្បីបំពេញពាក្យស្នើសុំ...

ធី វ៉ាន់ថា៖"អឺ!...ខ្ញុំនឹងធ្វើឱ្យសាច់រឿងជាអ្នកអូសតួឱ្យល្បីល្បាញ មិនមែនតួល្បីជាអ្នកអូសសាច់រឿងនោះទេ។ អញ្ចឹងហើយ ទើបមិនប្រកាន់ថាជាតួបែបណាទេ"។ អ្នកដឹកនាំរឿងវ័យក្មេងរូបនេះ មានជំនឿថា ពូកគេអាចធ្វើបានល្អជាងកម្មវិធីទូរទស្សន៍ ដែលកំពុងចាក់ផ្សាយនោះទៅទៀត។ ម្យ៉ាងទៀត ការប្រកាសដោយផ្ទាល់ដូច្នេះ ព្រោះមិនចង់ឱ្យឆ្លងមេខ្យល់តារានោះទេ ដោយសារពូកគេតែងកាត់ភាគរយខ្ពស់លើសកម្រិតពីតួសម្ដែងម្នាក់ ធ្វើឱ្យគ្នាជាអ្នកសម្ដែងស្ទើមិនទទួលបានចំណូល។

យុវជនរូបនេះបន្តថា ដោយឆ្លងកាត់ជីវភាពទីទ័ល និងធ្លាប់រស់នៅក្រោមដំបូលអង្គការសប្បុរសធម៌ផងនោះ ធ្វើឱ្យគេយល់ច្បាស់ពីតម្លៃរបស់មនុស្ស ហើយមិនចង់ឱ្យការរំលោភបំពាន ឬកេងប្រវ័ញ្ចលើកម្លាំងពលកម្មនរណាម្នាក់ឡើយ។ យុវជនរូបនេះអះអាងថា Eye Dream Creative ឈរលើគោលការណ៍ស្មើភាពបែបនេះ ហើយមានរឿងជាបន្តបន្ទាប់ត្រូវផលិតឡើង ដើម្បីចាក់បញ្ចាំងរួមទាំងចម្រៀង Original Song ផងដែរ៕

អានអត្ថបទ៖ ផលិតកម្ម មាតុចក្រហ្វ៊ីលម៍ ប្រកាសផលិត ៣ រឿង ចុងឆ្នាំ២០១៥

អានអត្ថបទ៖ ចង់បានរាងស្រឡូនដូច ទឹម រដ្ឋា មិនពិបាកទេ!