ផលិតកម្ម មាតុចក្រហ្វ៊ីលម៍ ប្រកាសផលិត ៣ រឿង ចុងឆ្នាំ២០១៥

2015-04-30 11:00:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយទទួលជោគជ័យលើទីផ្សារ “អាព្រឿងងាប់ហើយ” ផលិតកម្ម មាតុចក្រហ្វ៊ីលម៍ បានប្រកាសផលិតកុន ៣រឿង បន្តបន្ទាប់គ្នា ដើម្បីស្វាគមន៍សមាហរណកម្មអាស៊ានខាងមុខនេះ។ នេះបើយោងតាមចាងហ្វាងផលិតកម្ម លោក ហ៊ុយ យ៉ាឡេង ប្រាប់ Sabayកាលពីព្រឹកមិញ។

លោក ហ៊ុយ យ៉ាឡេង ចាងហ្វាងផលិតកម្ម

លោកបាននិយាយថា ភាពយន្ត២រឿងនឹងត្រូវផលិតឡើងតម្រូវតាមទីផ្សារក្នុងប្រទេសជាលក្ខណៈកំប្លែងបែបអប់រំ និង គោរពតាមគោលការណ៍សីលធម៌។ ចំណែកភាពយន្ត១រឿងទៀតមានលក្ខណៈភ័យរន្ធត់ ដើម្បីតម្រូវតាមទីផ្សារអន្តរជាតិ ដែលត្រូវសហការជាមួយអ្នកជំនាញបច្ចេកទេសមកពីបរទេសអាចជនជាតិថៃ ឬឥណ្ឌាចេញពី Bollywood ហើយកំពុងសិក្សាពីតម្លៃខ្លួនរបស់ពូកគេ។

ជាមួយគ្នានោះចាងហ្វាងផលិតកម្មវ័យ៣៦ឆ្នាំរូបនេះ ក៏កំពុងប្រកាសស្វែងរកតារាថ្មីៗ មានលក្ខណៈសម្បត្តិគ្រប់គ្រាន់ទៅតាម លក្ខណ្ឌ ដើម្បីចូលរួមសម្ដែងក្នុងភាពយន្តទាំង៣រឿងខាងលើនេះ។ លោកបញ្ជាក់ថា តារាសម្ដែងប្រុសត្រូវមានកម្ពស់ចាប់ពី ១,៧៥ម៉ែត្រឡើងទៅ និង តួស្រីមានកម្ពស់ចាប់ពី ១,៦៨ ម៉ែត្រឡើងទៅ។ មកដល់ចំណុចនេះលោកបញ្ជាក់ថា៖ "ខ្ញុំចង់បណ្ដុះតារាថ្មីៗក្លាយជាតារាលំដាប់ពិភពលោក និង ប្រចាំនៅផលិតកម្មនេះផង យើងមានរឿងបន្តបន្ទាប់"។ ព័ត៌មានបន្ថែមនៅទីនេះ

ទោះបីជាយ៉ាងណា ពាក់ព័ន្ធទៅការផលិតកុននេះ លោក ហ៊ុយ យ៉ាឡេង ក៏បានប្រកាសស្វាគមន៍អ្នកវិនិយោគក្នុងស្រុក ដែលចង់សហការរកស៊ីជាមួយផលិតកម្ម មាតុចក្រ ផងដែរ។ លោកអះអាងថា រហូតមកពេលនេះ មានខ្លឹមសាររឿងនៅក្នុងដៃរួចស្រេច រង់ចាំតែដំណើរការថតប៉ុណ្ណោះ ហើយវណ្ណកម្មនោះអាចល្អជាងរឿងមុនជាមិនខានឡើយ។ ផលិតកររូបនេះបញ្ជាក់ថា ប្រសិនបើអាច លោកប្រឹងប្រែងផលិតឱ្យមានគុណភាព និង អាចនាំយកទៅចាក់បញ្ចាំងជាសាកលទៀតផង៕

អានអត្ថបទ៖ តើតារាចម្រៀងរូបណាក្នុងដួងចិត្តនាយ ចឺម?

អានអត្ថបទ៖ មានរឿងអីបានជា PeyPey Dy រត់ទៅសាងផ្នួស?