តើតារាចម្រៀងរូបណាក្នុងដួងចិត្តនាយ ចឺម?

2015-04-29 11:46:45
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែងវ័យក្មេង នាយ ចឺម បានប្រាប់ថា ខ្លួនចូលចិត្តច្រៀងបទរបស់ ខេមរៈ សិរីមន្ត តាំងពីនៅ ទូលក្រសាំងលក់តាមភូមិ មកម៉េ្លះ ពោលគឺមុនពេលជាន់ឆាកទូរទស្សន៍ CTN ទៅទៀត។

អ្នកភ្នំស្រង់រូបនេះឱ្យដឹងថា៖ “បើនិយាយទៅ គាត់ជា Idol របស់ខ្ញុំហ្មង! ចូលចិត្តច្រៀងតាមតាំងពីក្មេងឯណោះ"។ តារាកំប្លែងរូបនេះបន្តថា ចម្រៀងភាគច្រើនមានលក្ខណៈតុងខ្ពស់ ស្រែកខ្លាំងពិតមែន ប៉ុន្តែនាយអាចធ្វើបាន ទោះបីមិនពីរោះដូចម្ចាស់ដើមយ៉ាងណាក៏ដោយ។ ក្នុងនោះរួមមានបទ "ទៅយកប្ដីបារាំង" ឬ "បេះដូងអ្នកប្រដាល់" ជាដើម។

តារាកំប្លែងវ័យ ១៨ ឆ្នាំ រូបនេះបន្ថែមទៀតថា សូម្បីដើរសម្ដែងក្នុងកម្មវិធីនានាទាំងនៅភ្នំពេញ និង តាមបណ្ដាខេត្តកន្លងមក ក៏តែងលើកយកចម្រៀងរបស់តារាចម្រៀងជូរមុខខាងលើទៅច្រៀងដដែល ទោះបីមួយរយៈចុងក្រោយមានបទចម្រៀងចេញលក់នៅក្នុងផលិតកម្មសាន់ដេយ៉ាងណាក្ដី។ នាយបញ្ជាក់ថា៖ "ពេលសម្ដែង បើយើងច្រៀងបានពីរោះអញ្ចឹងទៅ ក៏មានការគាំទ្រពីទស្សនិកជនបន្ថែមទៀតដែរ"។

ជាមួយគ្នានោះក្មួយប្រុសរបស់នាយ ក្រូច រូបនេះបញ្ជាក់ទៀតថា ម្ដងម្កាលក៏យកបទចម្រៀងផ្សេងទៀតទៅច្រៀងផងដែរ ប្រសិនបើមើលឃើញថា ចម្រៀងនោះមានការពេញនិយម ហើយខ្លួនអាចច្រៀងបាន។ នាយថា តារាកំប្លែងរបស់ CTN ភាគច្រើន ក៏យកចម្រៀងរបស់តារាផ្សេងៗទៅច្រៀងទៅច្រៀង ឬថែមថយដូចគ្នាដែរ ដែលជួនកាលទស្សនិកជនអាចផ្ទុះសំណើចតាមរយៈនេះ៕

អានអត្ថបទ៖ ឆាយ បូរ៉ា ស្នើលុបបំបាត់ការផលិត DVD ក្លែងក្លាយ ដើម្បីការពារកម្មសិទ្ធិបញ្ញា

អានអត្ថបទ៖ ការពិត!…តួឯកស្រីរឿង “៣កន្លះ” ជាតំណាងរាស្ត្រនៅសិង្ហបុរី