កុំព្យូទ័រ HP ស៊េរីថ្មី មានកម្រាស់ត្រឹម១០,៤ម.ម ស្ដើងជាងគេលើលោក
- 2016-04-06 15:51:26
- ចំនួនមតិ 0 | ចំនួនចែករំលែក 0
កុំព្យូទ័រ HP ស៊េរីថ្មី មានកម្រាស់ត្រឹម១០,៤ម.ម ស្ដើងជាងគេលើលោក
ចន្លោះមិនឃើញ
ក្រុមហ៊ុន HP ទើបតែបង្ហាញកុំព្យូទ័រស៊េរីថ្មីរបស់ខ្លួនដែលមានកម្រាស់ស្ដើងជាងគេលើលោក ពោលគឺស្ដើងជាងកុំព្យូទ័រ MacBook របស់ក្រុមហ៊ុន Apple ទៅទៀត។
កុំព្យូទ័រថ្មីនេះមានឈ្មោះថា Spectre 13.3 ដែលកម្រាស់របស់វាមានត្រឹមតែ ១០,៤ម.ម ប៉ុណ្ណោះ និងមានទម្ងន់ ១,១១គីឡូក្រាម។ ក្រៅពីមានកម្រាស់ស្ដើង រូបរាងរបស់ត្រូវបានរចនាឡើងយ៉ាងពិសេសដោយប្រើប្រាស់សារធាតុលោហៈ រួមជាមួយសរសៃកាបូន។
កុំព្យូទ័រនេះអាចបង្ហាញរូបភាពកម្រិត 1080p លើអេក្រង់ទំហំ១៣,៣អ៊ីញ ប្រភេទ Gorilla Glass ដោយមិនមានមុខងារ Touch Screen មកជាមួយឡើយ។ ត្បិតថាកុំព្យូទ័រនេះស្ដើងហើយស្រាល ប៉ុន្តែវាមានភាពខុសប្លែកពីគូប្រជែងត្រង់ថាមិនប្រើប្រាស់ Processor តូចៗប្រភេទ Core M នោះឡើយ ពោលគឺមានបំពាក់ទៅដោយ Processor Core i5 និង Core i7ជំនាន់ចុងក្រោយរបស់ Intel។
មិនតែប៉ុណ្ណោះក៏មាន RAM ទំហំ៨GB និងមានអង្គផ្ទុកទិន្នន័យប្រភេទ SSD ទំហំដល់ទៅ ៥១២GB។ Spectre នេះក៏មានរន្ធតភ្ជាប់ប្រភេទ USB Type-C ចំនួនបីនិងមានរន្ធ Thunderbolt ចំនួនពីរផងដែរ។ និយាយពីថាមពលថ្មវិញកាន់តែពិសេសដោយសាកពេញមួយលើកអាចប្រើប្រាស់បានរយៈពេល៩ម៉ោងកន្លះ។
កុំព្យូទ័រ Spectre 13.3 នឹងបើកទទួលការកុម្ម៉ង់ទិញនៅថ្ងៃទី២៥ ខែមេសា ដោយតម្លៃរបស់វាគឺចាប់ពី ១១៧០ដុល្លារ ឡើងទៅ៕
ចុចអាន៖ iPhone SE បរាជ័យខ្លាំងនៅអំឡុងសប្ដាហ៍ដំបូងដែលចេញលក់
ប្រែសម្រួល៖ ហៃ សុខហេង ប្រភព៖ Engadget
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
