ក្នុងថ្ងៃសម្ពោធរឿងខ្នាតធំរបស់ខ្លួន Angelina Jolie ជួបរឿងដ៏រីករាយច្រើនដល់ម្ល៉ឹង!

2017-09-16 03:14:01
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១៥ខែកញ្ញាកន្លងទៅ រឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ត្រូវបានដាក់សម្ពោធជាផ្លូវការក្នុងទីក្រុង New York ក្រោមវត្តមានចូលរួមពីមនុស្សពិសេសជាច្រើនរបស់ Angelina Jolie។

ក្នុងកម្មវិធីថ្ងៃនោះ ជាពេលវេលាដ៏អស្ចារ្យ ក្រៅពីមានការចូលរួមពី កូនៗទាំង ៦របស់ Jolie អ្នកស្រី អ៊ឹង លួង លោករិទ្ធី ប៉ាន់ និងតួសម្ដែង ក៏ដូចជាក្រុមការងារផលិតរឿងជាច្រើននាក់ទៀត ក្នុងនោះក៏មានការចូលរួមជាពិសេសពីឪពុករបស់នាង លោក John Voight ដែរ។

Jolie, កូនទាំង ៦របស់នាង, អ្នកស្រី អ៊ឹង លួង, លោករិទ្ធី ប៉ាន់ និងក្រុមការងារផលិតរឿង

Jolie និងកូនកម្លោះទាំង ២

Jolie និង អ្នកស្រី អ៊ឹង លួង

ដូចដែលប្រិយមិត្ត បានជ្រាបស្រាប់ ទំនាក់ទំនងរបស់ តារាស្រីហូលីវូដរូបនេះ និងឪពុកមិនសូវស្និទ្ធស្នាលដូច ឪពុកកូនគេដទៃទេ ណាមួយកន្លងមកពួកគេក៏ធ្លាប់មានរឿងមិនសប្បាយចិត្តនឹងគ្នាដែរ អស់រយៈពេល ៦ឆ្នាំកន្លះមកហើយ។ ប៉ុន្តែដោយសារកាត់មិនដាច់ ក្ដីស្រឡាញ់នៅតែមាន ពេលនេះអ្នកទាំង ២ បានវិលមករកសភាពប្រសើរជាងមុនហើយ ហើយក៏បានធ្វើឲ្យអ្នកគាំទ្រមានចិត្តរំភើបទៅតាមនោះដែរ។ កាន់តែរីករាយ គឺថ្ងៃពិសេសរបស់ Jolie ក្នុងឱកាសសម្ពោធរឿងខ្នាតធំនេះ លោក John Voight ក៏បានមកចូលរួមដែរ។

លោក John Voight (រូបខាងស្ដាំ)

ដោយឡែករឿងមួយទៀត ក្រៅពីមានភាពភ្ញាក់ផ្អើលនឹងវត្តមានរបស់ឪពុក Agelina មហាជនក៏ភ្ញាក់នឹងសម្រស់របស់តារាស្រីរូបនេះដែរ។ ថ្ងៃនោះដែរ អ្នកម្ដាយកូន ៦នាក់មួយនេះ បានស្លៀករ៉ូបពណ៌ប្រផេះ អត់ដៃវាលស្មា ដែលបានបង្ហាញរូបសាក់ពេញខ្នង និងដៃទាំងសងខាងគួរឲ្យចាប់អារម្មណ៍។