សូលទីឡូអង្គរ នឹងទៅរកមើលកីឡាករជប៉ុនគ្រប់លីគមកពង្រឹងក្រុម

2017-10-17 02:31:50
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជា ម៉េងលី អ្នកចាត់ការទូទៅក្លឹប សូលទីឡូអង្គរ បានអះអាងថា នឹងទៅប្រទេសជប៉ុន ដើម្បីសម្លឹងរកកីឡាករល្អៗនៅទីនោះ មកចូលរួមជាមួយពួកគេដើម្បីត្រៀមលេងលីគកំពូលកម្ពុជារដូវកាល២០១៨។

លោក ជា ម៉េងលី

អ្នកចាត់ការរូបនេះបាននិយាយថា ក្លឹបរបស់លោកដាក់គោលដៅដំបូងគឺនាំចូលកីឡាជប៉ុន ដោយទៅមើលកីឡាករដែលនៅគ្រប់លីគតែម្ដងរួមទាំងលីគកំពូល។ សម្រាប់ការបានឡើងមកលេងលីគកំពូលរដូវកាលក្រោយនេះ សូលទីឡូ មិនទាន់កំណត់ប្រជែងយកជើងឯកឡើយ ដោយធ្វើយ៉ាងណារក្សាខ្លួនឲ្យបានជាប់នៅលីគកំពូលជាមុនសិន។

លោកបន្ថែមថា ការនាំចូលកីឡាករបរទេស ឬកីឡាករកម្ពុជាមកពង្រឹងក្លឹប កំពុងសម្លឹងគ្រប់តំបន់ទាំង ការពារ បម្រើ និងប្រយុទ្ធ។ ចំណែករចនាសម្ព័ន្ធក្លឹបវិញ នឹងរៀបចំឲ្យបានល្អឥតខ្ចោះតែម្ដង។

សូមបញ្ជាក់ថា សូលទីឡូអង្គរ បញ្ចប់ត្រឹមចំណាត់ថ្នាក់លេខ ៤ ក្នុងតារាងលីគទី២ របស់កម្ពុជា ខណៈដែលយុវជនទ័ពលេខ ៣ និងយុវជនបាទីលេខ ២ ប៉ុន្តែយុវជនពីរក្រុមនេះមិនបានឡើងមកលេងលីគកំពូលទេ ព្រោះនៅលីគកំពូលមានក្លឹបទ័ពមួយហើយ ខណៈយុវជនបាទីជាថ្នាលជម្រើសជាតិ៕

អត្ថបទ៖ ស្រី សុវណ្ណដារ៉ា