បញ្ហានេះហើយធ្វើឲ្យ រស់ សំអឿន មិនអាចជួយក្រុមយប់មិញ

2017-11-10 03:25:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជា បានសម្ដែងការខកចិត្តចំពោះអវត្តមានខ្សែការពារឆ្នើម រស់ សំអឿន ដែលមិនអាចជួយក្រុម ក្នុងជំនួបមិត្តភាពអន្តរជាតិម្ចាស់ផ្ទះចាញ់ មីយ៉ាន់ម៉ា ២-១ យប់មិញ។

លោក ប្រាក់ សុណ្ណារ៉ា

អតីតគ្រូបង្វឹកបឹងកេតរូបនេះបាននិយាយថា រស់ សំអឿន មានបញ្ហារបួសក្រលៀនពេលកំពុងហ្វឹកហាត់ ធ្វើរូបគេមិនអាចបង្ហាញខ្លួនជួយក្រុមបាន។ ប្រសិនណាខ្សែការពាររូបនេះគ្មានបញ្ហារបួសទេនោះប្រាកដណាស់ នឹងបានបង្ហាញខ្លួនក្នុងជម្រើស ១១ នាក់ដំបូង ១០០% ។

លោកបន្ថែមថា សម្រាប់ការប្រកួតយប់មិញក្រុមកម្ពុជា ពិតជាមានបញ្ហានៅតំបន់ការពារពិតមែន។ ប៉ុន្តែយ៉ាងណាលោកសង្ឃឹមថា ចំពោះការប្រកួតផ្លូវការតទល់ជាមួយ ហ្សកដានី នឹងអាចប្រសើរឡើងវិញ ខណៈ រស់ សំអឿន អាចលេងបាន ១០០ % វិញផងដែរ។

ក្រុមកម្ពុជា នឹងត្រូវបើកទ្វាផ្ទះស្វាគមន៍ក្រុមខ្លាំង ហ្សកដានី ថ្ងៃទី១៤ ខែវិច្ឆិកា ឆ្នាំ២០១៧ នៅពហុកីឡដ្ឋានជាតិវេលាម៉ោង ៦:៣០ នាទី ដែលជាការប្រកួតសន្សំពិន្ទុក្នុងពូល C នៃវគ្គជម្រុះ AFC Asian Cup ៕