អ្នក​ចាំ​ទី​​របស់​ក្លឹប​ក្រសួង​ការពារ​ជាតិ​ អ៊ុំ វិចិត្រ​ បាន​តស៊ូ​ឡើង​ដល់​កម្រិត​ល្អ​ប្រសើរ​បំផុត​របស់​ខ្លួន​វិញ​ហើយ​ បន្ទាប់​ពី​បាន​របួស​

​« ការ​តាំង​ចិត្ត​​ជាប់​ជ្រើស​​ជាតិ​វិញ​របស់​ខ្ញុំ​ បាន​សម្រេច​ហើយ​» ។ សម្ដី​​អ្នក​ចាំ​ទី​ដៃ​ទី​ពីរ​ក្រសួង​ការពារ​ជាតិ អ៊ុំ ​វិចត្រ បាន​និយាយ​បែប​នេះ ​បន្ទាប់​ពី​រូប​គេ​បាត់​បង់​ឱកាស​ជាប់​ជម្រើស​ជាតិ​កម្ពុជា​​ដោយសារ​របួស​បាក់​ដៃអស់​រយៈ​​ប្រហែល​​២ឆ្នាំ ប៉ុន្តែ​ពេល​​នេះ​​​ត្រូវ​បាន​លោក Lee Tae Hoon ជា​គ្រូ​បង្វឹក​កោះ​ហៅ​ឲ្យ​ចូល​ជម្រើស​ជាតិ​ម្ដង​ទៀត​ ក្នុង​ការ​ត្រៀម​ខ្លួន​ប្រកួត​មិត្ត​ភាព​ជា​មួយ​ ហុង កុង​ នា​​ថ្ងៃ​ទី១ ​ខែ​កញ្ញា ​ឆ្នាំ​២០១៦ នៅ​ទឹក​ដី ហុង កុង។

អ្នកចាំទី​ជម្រើស​ដំបូង អ៊ុំ វិចិត្រ ​របស់​ក្លិប​ក្រសួងការពារជាតិ បាន​បង្ហាញ​ឈ្មោះ​ម្ចាស់​ជំនួយ​នានា តាម​គណនី Facebook របស់​ខ្លួន ក្នុង​ការ​រ៉ៃអង្គាស​ប្រាក់​គ្នា​ជួយ​ចេញ​ថ្លៃ​វះកាត់​របួស​ដៃ​​របស់​គេ ​ដែល​នឹង​ប្រព្រឹត្តិ​ទៅ​នៅ​ម៉ោង ១: ៣០ នាទី ថ្ងៃ​ទី ១៧ ខែ កុម្ភៈ នេះ​នៅ​មន្ទីរពេទ្យ​ឯកជន​មួយ​​កន្លែង ក្នុង​រាជធានី​ភ្នំពេញ។

កីឡាករ​អ្នកចាំទី​​ដៃ​ទី១ អ៊ុំ វិចិត្រ របស់​ក្រុម​ក្រសួងការពារជាតិ (ទ័ព) ​ដែល​មាន​បញ្ហា​ផ្នែក​ឆ្អឹង​​ដៃ​ឆ្វេង​ចាំ​បាច់​ត្រូវ​តែ​​វះកាត់​ដៃ​​​ ព្យាបាល​ទើប​អាច​ជា​សះស្បើយ​ដូច​ដើម​វិញ ប៉ុន្តែ​ការ​ព្យាបាល​នេះ​ត្រូវ​ចាយ​ប្រាក់​យ៉ាង​តិច​ក៏ ១០០០ ដុល្លារ​សហរដ្ឋ​អាមេរិក​ដែរ។