SAMSUNG គ្រោងប្រកាសផលិតឈីបខ្នាតតូចបំផុតក្នុងលោក

2017-12-21 02:04:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃពុធក្រុមហ៊ុន Samsung Electronics Co Ltd បានប្រកាសថាបច្ចុប្បន្នខ្លួនកំពុងស្ថិតក្នុងដំណាក់កាលអភិវឌ្ឍប្រភេទឈីប DRAM ខ្នាតតូចបំផុតក្នុងលោក ក្នុងគោលដៅប្រជែងក្នុងអាជីវកម្ម Semiconductor។ ជំនាន់ទី ២ ស្ថិតក្នុងថ្នាក់ ១០ ណាណូម៉ែត្រ ទំហំ 8GB មានសមត្ថភាពពង្រឹងការសន្សំសំចៃថាមពលនិងល្បឿនដំណើរការទិន្នន័យប្រសើរជាងមុន។

ជើងខ្លាំងខាងផលិតឈីបកុំព្យូទ័រ, ស្មាតហ្វូននិងទូរទស្សន៍មួយនេះបន្តថា សង្វាក់ផលិតកម្មសម្រាប់ឈីបខ្នាតតូច ១០ ណាណូម៉ែត្រនឹងចាប់ផ្ដើមនាឆ្នាំ ២០១៨។

ប្រធានផ្នែក Memory Business នៅ SAMSUNG Electronics លោក Gyoyoung Jin បានបញ្ជាក់ថា "សង្វាក់ផលិតកម្មពិសេសមួយនេះ នឹងបំពេញតម្រូវការទីផ្សារដ៏រឹងមាំទៅថ្ងៃមុខ"។

កាលពីខែចុងខែតុលាជុំវិញអាជីវកម្ម Semiconductor ក្រុមហ៊ុនយក្សកូរ៉េខាងត្បូងមួយនេះធ្លាប់បានបញ្ជាក់ម្ដងរួចមកហើយថាគ្មានបំណងពង្រីកការនាំចេញភ្លាមៗនោះទេ ប៉ុន្តែចង់វិនិយោគក្នុងរយៈពេលវែងច្រើនជាង។