អាមេរិកចង្អុលមុខចំៗ អ្នកបង្កើតមេរោគ WannaCry រាលដាលពេញពិភពលោក

2017-12-20 00:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលអាមេរិកបានថ្កោលទោសចំពោះប្រទេសកូរ៉េខាងជើងឲ្យមានទំនួលខុសត្រូវជាបន្ទាន់ជុំវិញមេរោគ WannaCry ដែលបានវាយប្រហារទិន្នន័យតាមបណ្ដាមន្ទីរពេទ្យ, អាជីវកម្ម និងធនាគារជាច្រើនជុំវិញពិភពលោក។ ប៉ះពាល់ដល់កុំព្យូទ័រដំណើរការដោយប្រព័ន្ធ Windows ប្រមាណ ៣០០,០០០ គ្រឿង ក្នុង ១៥០ ប្រទេស ធ្វើឲ្យខាតបង់ថវិការាប់ពាន់លានដុល្លារ។

លោក Thomas Bossert អ្នកបម្រើការនៅសេតវិមានបានថ្លែងប្រាប់សារព័ត៌មាន WSJ “នេះជាលើកទីមួយសម្រាប់អាមេរិកក្នុងការព្រមានជាផ្លូវការទៅកាន់ប្រទេសមួយនេះ ប៉ុន្តែដោយផ្អែកលើភស្តុតាង ព្រោះកាលពីខែវិច្ឆិការដ្ឋាភិបាលអង់គ្លេសបានរកឃើញយ៉ាងច្បាស់ថាអ្នកនៅពីក្រោយមេរោគ WannaCry គឺជាប្រទេសកូរ៉េខាងជើង"។

បុរសវ័យ ៤២ ឆ្នាំរូបនេះបន្តទៀតថា "ពិតណាស់ដែលកូរ៉េខាងជើងត្រូវទូទាត់សងថ្លៃខូចខាតជាចាំបាច់ ហើយអាមេរិកនឹងនៅតែបន្តប្រើយុទ្ធសាស្ត្រដាក់សម្ពាធអតិបរមាក្នុងការប្រាកដថាខ្លួនអាចទប់ស្កាត់ពីការវាយប្រហារតាមរយៈ Cyber Attack។