Katy Perry ទំនងជាបង្ហាញខ្លួនក្នុង MV ថ្មី របស់ Taylor Swift

2017-12-22 02:55:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Katy Perry ត្រូវបានគេប្រទះឃើញបង្ហាញខ្លួននៅ Miami ចំថ្ងៃដែល Taylor Swift កំពុងថតវីដេអូចម្រៀងថ្មីបទ "End Game”។

Taylor និង តារារ៉េប Future

បើតាមការប៉ាន់ស្មានមួយ រួមបញ្ចូលទាំងភស្តុតាងខ្លះៗផងនោះ បានឲ្យដឹងថាជម្លោះរបស់អ្នកទាំងពីរបានមកដល់ទីបញ្ចប់ហើយ។ ក្នុងពេលនេះដែរ ក៏មានពាក្យចចាមអារ៉ាមនិយាយថា អ្នកទាំងពីរបានបំភ្លេចជម្លោះខ្លួនដោយ Katy សុខចិត្តចូលខ្លួនធ្វើជាអ្នករាំឲ្យ Taylor ក្នុងវីដេអូចម្រៀងបទ "End Game”។

Katy Perry

Taylor Swift

សារព័ត៌មាន E!Online បានរាយការណ៍ដូច្នេះថា អ្នកទាំងពីរបានជួបគ្នានៅទីក្រុង ម៉ៃអាមី រដ្ឋ ហ្ល័រីដា ជាកន្លែងដែល Taylor ថតវីដេអូចម្រៀងជាមួយតារារ៉េប Future។ នេះបើតាមប្រភពមួយ។

បើតាមវីដេអូមួយ ថតបានដោយសារព័ត៌មាន TMZ បង្ហោះកាលពីម្សិលមិញនេះ គេសង្កេតឃើញថាមានអ្នករាំខាងក្រោយ (Backup Dancer) ម្នាក់មើលទៅដូចជា Katy Perry ខ្លាំងដោយសារមានម៉ូតសក់និងពណ៌ដូច Katy បេះបិត។

នេះអាចជាវិធីមួយដែល Katy Perry ធ្វើដើម្បីសុំទោស Taylor ព្រោះនេះជាមូលហេតុដែលធ្វើឲ្យអ្នកទាំងពីរឈ្លោះគ្នា។ Taylor បានខឹង Katy ជាខ្លាំងដោយបានចោទថានាងបានយកអ្នករាំ (Backup Dancers) របស់នាង។ គូសបញ្ជាក់ដែរថា រឿងនេះគឺវាអាចទៅរួចដោយសារតែ Katy ធ្លាប់បាននិយាយម្ដងហើយកាលពីសប្ដាហ៍បញ្ចេញអាល់ប៊ុម Witness ដោយថាខ្លួនចង់បញ្ឈប់ជម្លោះទាំងអស់ជាមួយ Taylor Swift៕