Meghan Markle បានធ្វើឲ្យគេខឹងសម្បារ ព្រោះស្លៀកសម្លៀកបំពាក់តម្លៃកប់ក្ដោង

2017-12-23 08:47:58
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែលនិងសម្ដែង Meghan Markle បានធ្វើឲ្យសាធារណៈជនភ្ញាក់ផ្អើល ដោយស្លៀកពាក់ឈុតសម្លៀកបំពាក់មួយដែលមានតម្លៃដល់ទៅ ជាង៧៤ម៉ឺនដុល្លារឯណោះ សម្រាប់ថតរូបភ្ជាប់ពាក្យជាមួយព្រះអង្គម្ចាស់ Harry។

ឈុតដែលត្រូវគេរិះគន់

រូបរាងទាំងស្រុងរបស់ឈុតនេះពេលបង្ហាញលើឆាកដើរម៉ូដ

នៅក្នុងរូបថត ព្រះអង្គម្ចាស់ Harry ស្លៀកពាក់ឈុតត្រៀមកូនកំលោះ ពិតជាសង្ហារមិនធម្មតាដែលរចនាដោយក្រុមហ៊ុនឌីហ្សាញ British Design House ឈ្មោះ Ralph & Russo។

អ្នករិះគន់ជាច្រើនបានថាឲ្យតារារូបនេះថា ចំណាយប្រាក់សម្រាប់សម្លៀកបំពាក់ច្រើនហួសហេតុពេក នៅពេញបណ្ដាញសង្គម Twitter។

ចំណែកឯឈុតដែលនាងបានស្លៀកពាក់នៅក្នុងរូបថតមួយទៀត គឺគេសង្កេតឃើញថា នាងបានពាក់អាវយឺតដៃវែងពណ៌ស ដែលជាម៉ូដសម្លៀកបំពាក់របស់ Victoria Beckham។

ទោះជាយ៉ាងណាក៏ដោយក៏គេមិនទាន់ដឹងច្បាស់ថា ឈុតសម្លៀកបំពាក់ដ៏ថ្លៃនោះត្រូវបានទិញដោយខ្សែរាជវង្សឫដោយតារាម៉ូដែលរូបនេះនៅឡើយទេ គ្រាន់តែដឹងថាឈុតនេះត្រូវបានទិញដោយឯកជន។ នេះបើតាមបង្ហើបមកពីរាងវាំង Kensington ប្រាប់សារព័ត៌មាន Daily Mail។

ទោះបីជាមានមនុស្សជាច្រើនរិះគន់ចំពោះតម្លៃឈុតសម្លៀកបំពាក់នេះក៏ដោយ ក៏មានអ្នកខ្លះទៀតពេញចិត្តនឹងឈុតនេះដែរ ដោយគិតថាតារារូបនេះនឹងក្លាយជាខ្សែរាជវង្ស អីចឹងគ្រាន់តែស្លៀកឈុតតម្លៃថ្លៃៗគឺមិនមែនអ្វីប្លែកនោះឡើយ៕

អានអត្ថបទ៖

ប្រភព៖ Independent ប្រែសម្រួល៖ ធារ៉ូ