មិនយូរទៀតទេ នឹងទទួលបានព័ត៌មានប្រកាសពីគ្រូជម្រើសជាតិថ្មី
- 2017-12-26 01:49:50
- ចំនួនមតិ 0 | ចំនួនចែករំលែក 0
មិនយូរទៀតទេ នឹងទទួលបានព័ត៌មានប្រកាសពីគ្រូជម្រើសជាតិថ្មី
ចន្លោះមិនឃើញ
រហូតមកទល់ពេលនេះគោព្រៃកម្ពុជា មិនទាន់មានគ្រូបង្វឹកដឹកនាំឡើយ បន្ទាប់ពីបណ្ដេញលោក Leonardo Vitorino ចេញពីតំណែង និងការឡើងកាន់តំណែងបណ្ដោះអាសន្នរបស់លោក ប្រាក់ សុវណ្ណារ៉ា ។ តើអ្នកណា នឹងក្លាយជាគ្រូបង្វឹកថ្មីរបស់កម្ពុជានៅឆ្នាំ២០១៨ ខាងមុខនេះ?
បើយើងក្រឡេកទៅមើលលោក Lee Tae Hoon ដែលកំពុងដឹកនាំយុវជនក្រោម ១៥ ឆ្នាំកម្ពុជា គឺជាអតីតគ្រូបង្វឹកកម្ពុជា ទំនងមិនអាចខ្លាចជាគ្រូបង្វឹកក្រុមធំរបស់កម្ពុជាវិញឡើយ។ ខណៈលោក ប្រាក់ សុវណ្ណារ៉ា បានអស់ឱកាសហើយ ក្រោយជួយជម្រើសជាតិបានពីរប្រកួតដែលនៅសល់ក្នុងឆ្នាំ២០១៧ ដោយដឹកនាំចាញ់ មីយ៉ាន់ម៉ា ២-១ ក្នុងជំនួបមិត្តភាព និងចាញ់ ហ្សកដានី ១-០ ក្នុងការប្រកួត AFC Asian Cup។
សម្រាប់ក្រុមជម្រើសជាតិកម្ពុជា នៅសល់ ១ប្រកួតទៀតក្នុងពានរង្វាន់ AFC Asian Cup ត្រូវតទល់ជាមួយ អាហ្វហ្គានីស្ថាន ដែលការប្រកួតនឹងធ្វើឡើងនៅខែមីនា ឆ្នាំ២០១៨ ហេតុដូចនេះក្រុមកម្ពុជាត្រូវតែមានគ្រូបង្វឹកនៅដើមឆ្នាំ២០១៨ ដើម្បីត្រៀមរៀបចំការប្រកួតមួយនេះ។ ហេតុដូច្នេះមិនយូរទៀតទេ សហព័ន្ធនឹងប្រកាសគ្រូបង្វឹកថ្មី។
ដោយឡែកពាក់ព័ន្ធលោក Lee Tae Hoon ឯកឧត្ដម សៅ សុខា ប្រធានសហព័ន្ធកីឡាបាល់ទាត់កម្ពុជាធ្លាប់បាននិយាយថា គ្រូបង្វឹកសញ្ជាតិកូរ៉េខាងត្បូងរូបនេះមានការដឹកនាំយុវជនបានល្អ ហើយកម្ពុជាត្រូវការបុរសម្នាក់នេះឲ្យនៅដឹកនាំផ្នែកយុវជន ជាងដឹកនាំក្រុមធំ។ បើតាមសម្ដីរបស់ថ្នាក់ដឹកនេះរូបនេះទំនងគ្មានផ្លូវឡើយ សម្រាប់ការវិលមកកាន់តំណែងនេះម្ដងទៀតរបស់លោក Lee ។
យ៉ាងណាការប្រកួតរបស់ជម្រើសជាតិក្នុងចន្លោះពេលនេះទំនេរ ដូច្នេះសហព័ន្ធកំពុងសម្លឹងមើលគ្រូបង្វឹកថ្មីម្នាក់យ៉ាងសក្ដិសមមកកាន់តំណែងនេះ៕