រុស្សីចង់សង់សណ្ឋាគារលើមេឃ ទាល់តែសេដ្ឋីទើបមានលទ្ធភាពស្នាក់នៅ

2017-12-26 02:30:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មាន Popular Mechanics បានប្រទះឃើញផែនការលម្អិតមួយរបស់ភ្នាក់ងារអវកាសរុស្សី Roscosmos ដែលចង់សាងសង់សណ្ឋាគារនៅលើស្ថានីយអវកាសអន្តរជាតិ ISS។

អ្នកដែលមានទ្រព្យសម្បត្តិហូរហៀរអាចពិចារណាជះលុយ ៤០ លានដុល្លារ ដើម្បីអាចស្នាក់នៅសណ្ឋាគារលើមេឃនេះក្នុងរយៈពេល ១ ឬ ២ សប្ដាហ៍។ បន្ថែម ២០ លានដុល្លារទៀតដើម្បីមានឱកាសដើរលេងក្នុងលំហអាកាសជាមួយនឹងអវកាសយានិករុស្សី។

ផែនការបង្ហាញថា RKK Energia ក្រុមហ៊ុនម៉ៅការផ្នែកអវកាសរបស់រុស្សីនឹងទទួលរ៉ាប់រងលើការចំណាយដើម្បីសាងសង់ Module ទីពីរ ដែលមានតម្លៃចន្លោះពី ២៧៩ លានដុល្លារ ទៅ ៤៤៦ លានដុល្លារ។ Module សម្រាប់សណ្ឋាគារនេះ មានរូបរាងដូចជា Module ដទៃទៀតដែរពេលមើលពីខាងក្រៅ ដូចឃើញក្នុងរូបភាពខាងក្រោម។

ដោយឡែកនៅពីក្នុងវិញនឹងមានជាកន្លែងសម្រាប់ស្នាក់នៅចំនួន ៤ កន្លែងដោយមួយកន្លែងមានបង្អួតទំហំ ៩ អ៊ីញ និងមានជាស្ថានីយព្យាបាល និងស្ថានីយអនាម័យ រួមនឹងបន្ទប់កម្សាន្តដែលមានបង្អួតទំហំ ១៦ អ៊ីញ។

RKK Energia រំពឹងថានឹងដឹកអ្នកដំណើរបាន ១ ឬ ២ សម្រាប់ការហោះហើរនៃយាន Soyuz ពេលដែលអង្គការ NASA ឈប់ទិញយកកន្លែងអង្គុយដើម្បីដឹកអវកាសយានិករបស់ខ្លួនទៅកាន់ស្ថានីយអវកាសអន្តរជាតិ។

ស្ថានីយអវកាស ISS នឹងបញ្ចប់បេសកកម្មរបស់ខ្លួននៅឆ្នាំ ២០២៨ ហើយ Module សម្រាប់សណ្ឋាគារនឹងត្រូវប្រើពេល ៥ ឆ្នាំដើម្បីសាងសង់ ដូចនេះក្រុមហ៊ុន RKK Energia នឹងចាប់ផ្ដើមការសាងសង់របស់ខ្លួនក្នុងពេលឆាប់ៗ៕

ប្រភព៖ engadget ប្រែសម្រួល៖ សុខហេង

ពាក្យទាក់ទង

អវកាស

អត្ថបទពេញនិយម

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

អត្ថបទថ្មី

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

Ten Hagថា Man Utd ពិតជាធ្លាប់ទាក់ទងចង់បាន Harry Kane

Postecoglou ទទួលស្គាល់ថា Spurs ពិតជាលេងមិនកើតក្នុងប្រកួតតទល់នឹង Chelsea

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

Tesla ទើបតែចេញឡានអគ្គិសនី ប្រភេទ Performance ថ្មី ជាន់ពីកុងទ័រ 0-100 KM/H ប្រើពេលត្រឹម 2.9 វិនាទីប៉ុណ្ណោះ!