ក្រុមហ៊ុន Major Cineplex ផ្ដោតលើប្រទេស ៤ (CLMV) ដើម្បីបង្កើនប្រាក់ចំណូល

2017-12-27 07:59:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនកុនយក្សរបស់ប្រទេសថៃ Major Cinplex Group Plc នឹងចាប់ផ្ដើមបើកសាខាមួយទៀតនៅប្រទេសមីយ៉ាន់ម៉ាឆ្នាំក្រោយនេះហើយ ដើម្បីបង្កើនប្រាក់ចំណូល។

លោក Vicha Poolvaraluck

បន្ទាប់ពីទទួលបានជោគជ័យយ៉ាងខ្លាំងក្រោយបើកសាខានៅប្រទេសកម្ពុជានិងឡាវក្នុងឆ្នាំនេះ Major Cineplex កំពុងតែមានគម្រោងបើកសាខាមួយទៀតនៅប្រទេសមីយ៉ាន់ម៉ានៅឆ្នាំក្រោយ នេះបើតាមស្ថាបនិកក្រុមហ៊ុនលោក Vicha Poolvaraluck។

ការពង្រីកសាខារបស់ក្រុមហ៊ុននេះនៅប្រទេសមីយ៉ាន់ម៉ា គឺដើម្បីបំពេញតម្រូវការនៃវិស័យកុន នៅប្រទេសជិតខាងថៃ ជាពិសេស កម្ពុជា ឡាវ មីយ៉ាន់ម៉ា និង វៀតណាម (CLMV)។ លោកនិយាយថាដូច្នេះ។

“មីយ៉ាន់ម៉ាគឺជាទីផ្សារអន្តរជាតិដ៏ធំមួយសម្រាប់ Major Cineplex បន្ទាប់ពីប្រទេសឡាវនិងកម្ពុជា។ យើងរំពឹងទុកថា នឹងចាប់យកឱកាសនេះខណៈពេលវាកំពុងតែអំណោយផល។"

“ប្រជាជននៅប្រទេសមីយ៉ាន់ម៉ា ឡាវ និងកម្ពុជា មានឥទ្ធិពលផ្នែកវប្បធម៌ភាពយន្តខ្លាំង ដូចជាប្រទេសថៃអីចឹងដែរ ដូច្នេះសាខាទាំងអស់នឹងនៅតែរីកចំរើនរាល់ឆ្នាំ"។ លោកបន្ត។

លោក Vicha ក៏បាននិយាយថា ភាពយន្តថៃគឺពិតជាពេញនិយមខ្លាំងនៅប្រទេស CLMV ហើយសង្ឃឹមថា ភាពយន្តថៃនឹងកាន់តែល្បីល្បាញនៅពេលខាងមុខទៀត ព្រោះក្រុមហ៊ុនកំពុងតែពឹងផ្អែកលើចំណូលពីទីផ្សារអន្តរជាតិ ឲ្យក្លាយជាចំណូលគោលមួយទៅថ្ងៃអនាគត។

គូសបញ្ជាក់ដែរថា កាលពីឆ្នាំមុនក្រុមហ៊ុន Major រកចំណូលបាន ១០ប៊ីលានបាតឫ៣០៤,៥លានដុល្លារ ដែលពាក់កណ្ដាលបានមកពីការលក់សំបុត្រនិងពាក់កណ្ដាលទៀតបានមកពីការលក់ពោតលីងនិងភេសជ្ជៈព្រមទាំងការផ្សព្វផ្សាយឫពិធីផ្សេងៗ៕

អានអត្ថបទ៖

ប្រភព៖ Bangkokpost ប្រែសម្រួល៖ ធារ៉ូ