កំពូលភាពយន្តទាំង១០ដែលអ្នកមិនគួររំលងនៅឆ្នាំ ២០១៨

2017-12-27 04:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ២០១៨ នឹងមកដល់ឆាប់ៗនេះហើយ គឺរំលងតែជិតមួយអាទិត្យទៀតតែប៉ុណ្ណោះ ហើយមិនខុសពីឆ្នាំមុនៗនោះទេ ហូលីវូដនឹងមានភាពយន្តល្បីៗជាច្រើនដើម្បីបញ្ចេញជូនអ្នកទស្សនាទូទាំងពិភពលោក ជាពិសេសអ្នកស្នេហាវិស័យភាពយន្ត។

ឆ្នាំក្រោយនេះភាពយន្តបែបល្បីល្បាញ (Block Buster) ជាច្រើនដូចជាខ្សែរឿង "Avengers” និង ខ្សែរឿង "X-Men” សុទ្ធតែមានរឿងវគ្គថ្មីទាំងអស់ មិនត្រឹមតែប៉ុណ្ណោះ "Star Wars” និង "Fantastic Beasts” ក៏សុទ្ធតែមានភាពយន្តភាគថ្មី៕

តោះ! អីចឹងមកមើលទាំងអស់គ្នា៖

១០. “Black Panther” ខែកុម្ភៈ ឆ្នាំ ២០១៨

“Black Panther” ជារឿងដែលផ្ដោតសំខាន់លើតួអង្គមួយ ដែលជាសមាជិកក្នុងក្រុម Avenger ផងដែរគឺ T'Challa ឫ Black Panther។ លោកបានគ្រងរាជ្យក្រោយឪពុកខ្លួនបានស្លាប់កាលពីក្នុងរឿង "Captain America: Civil War”។ ភាពយន្តនេះនឹងបង្ហាញពីលក្ខណៈពិសេសនិងទំនើបរបស់ចក្រភពអាថ៌កំបាំងឈ្មោះ Wakanda ហើយធានាថាអ្នកទាំងអស់គ្នានឹងស្ងើចសរសើរឈុតឆាកក្នុងរឿងនេះមិនដាច់ពីមាត់។

៩. “Maze Runner: The Death Cure” ខែមករា ឆ្នាំ ២០១៨

Thomas និងមិត្តភ័ក្ដិទាំងអស់របស់ខ្លួនដែលរស់រានមានជីវិតពី The Maze បន្តបេសកកម្មខ្លួន ដើម្បីរស់រានមានជីវិតនិងស្វែងរកថ្នាំព្យាបាលជំងឺដ៏សាហាវឈ្មោះថា "Flare”។

៨. “Ready Player One” ខែមិនាឆ្នាំ ២០១៨

និយាយពីហេតុការណ៍នៅថ្ងៃអនាគត ពេលមនុស្សជាច្រើនអាចចូលទៅក្នុងពិភពសិប្បនិម្មិតមួយឈ្មោះថា "OASIS”។ ក្រោយពេលអ្នកផលិតពិភពនេះបានស្លាប់ លោកបានបញ្ចេញវីដេអូមួយ ដើម្បីឲ្យអ្នកលេងហ្គេមទាំងអស់ធ្វើការប្រកួតប្រជែងគ្នាដើម្បីដណ្ដើមយក Easter Egg។

៧. “Aquaman” ខែធ្នូឆ្នាំ ២០១៨

ផ្ដោតសំខាន់ទៅលើសមាជិកម្នាក់របស់ក្រុម Justice League គឺ Arthur Curry ឫ Aquaman ដែលបានដឹងថាខ្លួនគឺជាអ្នកគ្រងរាជ្យនៅអាណាចក្រក្រោមទឹកឈ្មោះ Atlantis ហើយខ្លួនត្រូវតែខិតខំធ្វើខ្លួនឲ្យល្អដើម្បីប្រជាជននៅទីអាណាចក្រនោះ និងជាវីរបុរសម្នាក់របស់ពិភពលោក។

៦. “Solo: A Star Wars Story” ខែឧសភាឆ្នាំ ២០១៨

និយាយអំពីដំណើរផ្សងព្រេងរបស់ Han Solo កាលពីនៅវ័យក្មេងជាមួយនិងមិត្តសម្លាញ់ Chewbacca មុនពេលចូលរួមក្រុមប្រឆាំង the Rebellion ព្រមទាំងរាប់បញ្ចូលជាមួយការជួបជាមួយ Lando Calrissian លើកដំបូង។

៥. “X-Men: Dark Phoenix” ខែវិច្ឆិកាឆ្នាំ ២០១៨

តួអង្គ Jean Grey ចាប់ផ្ដើមអភិវឌ្ឍន៍ថាមពលខ្លួនកាន់តែខ្លាំងឡើង រហូតដល់វិវឌ្ឍក្លាយជា Dark Phoenix ដែលជាថាមពលងងឹតដ៏ខ្លាំងខ្លាមួយ ដូច្នេះសមាជិកក្រុម X-Men ត្រូវតែសម្រេចចិត្តថា តើជីវិតរបស់សមាជិកក្រុមសំខាន់ជាង ជីវិតទាំងអស់ដែលរស់នៅលើពិភពលោកឫយ៉ាងណា។

៤. “Jurassic World: Fallen Kingdom” ខែមិថុនាឆ្នាំ ២០១៨

ជាសាច់រឿងផ្ដោតទៅលើហេតុការណ៍កើតឡើងក្រោយ "Jurassic World” បញ្ចេញឆ្នាំ ២០១៥។ ពេលនេះកោះដែលផ្ទុកទៅដោយដាយណូស័រកំពុងតែត្រូវរងគ្រោះដោយសារបន្ទុះភ្នំភ្លើង ដូច្នេះហើយ Owen និង Claire ចាប់ផ្ដើមបេសកកម្មសង្គ្រោះដាយណូស័រដែលនៅសេសសល់ឲ្យរួចផុតពីការដាច់ពូជ។

៣. “Fantastic Beasts: The Crimes of Grinderwald” ខែវិច្ឆិកាឆ្នាំ ២០១៨

ជាភាពយន្តវគ្គបន្តរឿង "Fantastic Beasts and Where to Find Them” បញ្ចេញឆ្នាំ ២០១៦ ដែលផ្ដោតទៅលើដំណើរផ្សងព្រេងបន្ទាប់របស់ Newt Scamander។

២. “Deadpool 2” ខែមិថុនាឆ្នាំ ២០១៨

ជាសាច់រឿងបន្តរបស់ "Deadpool” បានបញ្ចេញកាលពីឆ្នាំ ២០១៦។

១. “Avengers: Infinity Wars” ខែមេសាឆ្នាំ ២០១៨

ជាសាច់រឿងដ៏អស្ចារ្យមួយបូកសរុបសាច់រឿងទាំងអស់របស់ពិភព Marvel (Marvel Cinematic Universe) ក្នុងរយៈពេល១០ឆ្នាំកន្លងមកនេះ។ ក្នុងរឿងនេះក្រុម Avengers នឹងជួបសត្រូវដ៏ខ្លាំងអស្ចារ្យមួយគឺ Thanos ដែលមានលទ្ធភាពថាមពលបំផ្លាញសកលលោកនៅក្នុងដៃ។