មកស្គាល់ពីភាពយន្តរបស់ Disney ទាំងអស់ដែលនឹងបញ្ចាំងឆ្នាំ ២០១៨

2017-12-29 05:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Disney គឺជាក្រុមហ៊ុនយក្សដែលកាន់កាប់រឿងល្បីៗជាច្រើនដូចជាសែស្រឡាយរឿង "Star Wars” និង "Marvel” ជាដើម។

សម្រាប់ឆ្នាំ ២០១៨ នេះ Disney មានភាពយន្តល្អៗមើលដល់ទៅ ១០ រឿងឯណោះ។ បើចង់ដឹងថាមានភាពយន្តអ្វីខ្លះ មកតាមដានទាំងអស់គ្នា។

១. “Black Panther”

ភាពយន្តថ្មីមួយទៀតរបស់ Marvel និយាយពីតួអង្គ Black Panther ដែលបានបង្ហាញខ្លួននៅក្នុងរឿង "Captain America: Civil War” សម្ដែងដោយលោក Chadwick Boseman។ ភាពយន្តនេះនឹងដាក់បញ្ចាំងនៅថ្ងៃទី ២៦ ខែកុម្ភៈ ឆ្នាំ ២០១៨ ដែលចូលរួមសម្ដែងដោយតារាល្បីៗដូចជា Michael B. Jordan, Lupita Nyong'o និង Forest Whitaker ជាដើម។

២. “A Wrinkle In Time”

ជាភាពយន្តដកស្រង់ចេញពីរឿងប្រលោមលោកបែបសិល្ប៍សាស្ត្រ (Sci-fi/fantasy) ចាប់បញ្ចាំងនៅថ្ងៃទី០៩ ខែមិនាឆ្នាំ ២០១៨។ ភាពយន្តនេះនិយាយពីបងប្អូនប្រុសស្រីពីររូបធ្វើដំណើរផ្សេងព្រេងដើម្បីស្វែងរកឪពុកខ្លួន ដោយឆ្លងកាត់ឧបសគ្គជាច្រើន។

៣. “Avengers: Infinity War”

បញ្ចាំងនៅថ្ងៃទី ០៤ ខែឧសភា ភាពយន្តនេះគឺជាចំណុចកំពូលរបស់ Marvel ក្នុងរយៈពេល ១០ ឆ្នាំមកនេះ ដែលជាហេតុធ្វើឲ្យអ្នកគាំទ្រជាច្រើនទន្ទឹងរងចាំទស្សនាភាពយន្តនេះ។

៤. “Solo: A Star Wars Story”

ជាភាពយន្តផ្ដោតទៅលើតួអង្គសំខាន់មួយក្នុងខ្សែរឿង "Star Wars” គឺ Han Solo។ រឿងនេះនឹងបង្ហាញពី Han Solo កាលពីវ័យក្មេង និងដំណើរផ្សងពេ្រងរបស់លោកជាមួយនឹងមិត្តសម្លាញ់ Chewbacca។ រឿងនេះនឹងចាប់ដាក់បញ្ចាំងនៅថ្ងៃទី ២៥ ខែឧសភា ឆ្នាំ ២០១៨។

៥. “Incredibles 2”

បន្ទាប់ពីបានបញ្ចេញភាគដំបូងកាលពីឆ្នាំ ២០០៤ ភាពយន្តនេះទទួលបានការគាំទ្រជាខ្លាំង រហូតមកដល់ពេលនេះទើបយើងអាចទស្សនាភាគថ្មី។ "Incredible 2” ចាប់ផ្ដើមដាក់បញ្ចាំងនៅថ្ងៃទី ១៥ ខែមិថុនា។

៦. “Ant-Man and the Wasp”

តួអង្គសំខាន់ពីក្នុងរឿង "Ant-Man” កាលពីឆ្នាំ ២០១៥ នឹងត្រលប់មកវិញ ដូចជា Paul Rudd និង Evangeline Lilly ជាដើម។ ក្នុងវគ្គថ្មីនេះតួអង្គ Hero ថ្មីមួយទៀតគឺ "the Wasp” នឹងបង្ហាញខ្លួនជាផ្លូវការ។

៧. “Christopher Robin”

រឿងនេះនឹងផ្ដោតសំខាន់ទៅលើតួអង្គ Christopher Robin ពីក្នុងរឿង "Winnie-the-Pooh” ។ ភាពយន្តនេះនឹងចាប់ដាក់បញ្ចាំងនៅ ថ្ងៃទី ០៣ ខែសីហា។

៨. “The Nutcracker and the Four Realms”

បញ្ចាំងនៅថ្ងៃទី ៧ ខែវិច្ឆិកា ជាភាពយន្តនិយាយពីក្មេងស្រីម្នាក់បានឆ្លងកាត់ទៅពិភពវេទមន្ត របស់ទាហាននំប៉័ងនិងកងទ័ពសត្វកណ្ដុរ។

៩. “Ralph Breaks the Internet: Wreck-It Ralph 2”

បន្ទាប់ពី ៦ឆ្នាំក្រោយហេតុការណ៍បានកើតឡើងក្នុងរឿង "Wreck-It Ralph” ពេលនេះ Ralph និង Vanellope ត្រលប់មកវិញហើយនឹងធ្វើដំណើរផ្សងព្រេងតាមរយៈដុំ Wi-fi ចូលទៅក្នុងពិភព Internet។ រឿងនេះនឹងចាប់ដាក់បញ្ចាំងនៅ ថ្ងៃទី ២១ ខែវិច្ឆិកា។

១០. “Mary Poppins Returns”