រវល់តែចុចទូរសព្ទ ជំពប់ជើងដួល ត្រូវប្រអប់យន្តគៀបដាច់ជើងម្ខាងគួរឲ្យរន្ធត់ (មានវីដេអូ)

2018-01-03 10:23:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រ្តីម្នាក់នៅក្នុងប្រទេសចិន បានដាច់ជើងម្ខាងយ៉ាងរន្ធត់ ដោយសារតែប្រអប់យន្តកៀប បន្ទាប់ពីនាងបានជំពប់ជើងដួល ហើយជាប់ជើងម្ខាងនៅចន្លោះទ្វារ។

បើយោងតាមខ្សែវីដេអូដែលថតបានដោយកាមេរ៉ាសុវត្ថិភាព បង្ហាញឲ្យឃើញ ស្រ្តីសក់ខ្លីខាងលើរវល់តែចុចទូរសព្ទ ខណៈពេលដើរចូលទៅក្នុងប្រអប់យន្ត។ នៅពេលនោះ នាងបានជំពប់ជើងដួល ហើយជើងម្ខាងនៅខាងក្រៅ ខណៈពេលនោះស្រាប់តែប្រអប់យន្ត បិទទ្វារ រួចដំណើរការឡើងទៅជាន់លើភ្លាមៗតែម្ដង។

ប្រភពព័ត៌មានបានឲ្យដឹងថា ក្រោយពេលដួល ស្រ្តីរងគ្រោះបានរកមើលទូរសព្ទរបស់ខ្លួន និងមិនចាប់អារម្មណ៍ថា ប្រអប់យន្តនោះចាប់ផ្ដើមដំណើរការឡើង មុនពេលនាងដើរចូលឡើយ។ ប្រអប់យន្តនោះបានឡើងទៅលើប្រមាណ ៣ជាន់ មុនពេលវាឈប់ ស្របពេលដែលស្រ្តីរូបនោះ ដេកននាលលើដីរង់ចាំជំនួយទាំងឈឺចាប់។

យ៉ាងណាមិញ គេបានបញ្ជាក់ថា ឧបទ្ទវហេតុនោះបានកើតឡើង នៅទីក្រុងសៀងហៃ កាលពីថ្ងៃទី២១ ខែមិថុនា ឆ្នាំ២០១៧ មកម្ល៉េះ ប៉ុន្តែវីដេអូខាងលើ ទើបតែត្រូវបានគេបញ្ចេញនាពេលថ្មីៗនេះប៉ុណ្ណោះ៕

ចង់ដឹងយ៉ាងណា សូមទស្សនាវីដេអូខាងក្រោម៖

ចុចអាន៖

ប្រភព៖ Dailymail ប្រែសម្រួល៖ សេង ឡុង