អ្នកទិញរ៉ូបលើអនឡាញ ចង់ឃើញរូបពិត មានអីអ្នកលក់ផ្ញើមកមែនសឹងដាច់ផ្ងារ!

2018-01-06 07:02:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែមានគេហទំព័រជាច្រើន កំពុងនិយមលក់រ៉ូបក្នុងតម្លៃថោក បានធ្វើឲ្យអ្នកទិញរារែកចិត្ត និងចង់ដឹងពីគុណភាពនៃទំនិញ មុនពេលសម្រេចចិត្តទិញ។

ជាក់ស្ដែង នារីម្នាក់បានសួរអ្នកលក់លើអនឡាញ ដើម្បីបានរូបពិតប្រាកដនៃរ៉ូបដែលខ្លួនចង់ទិញ។ វាអាចជារឿងគួរឲ្យភ្ញាក់ផ្អើល និងហួសចិត្តមួយ ដោយសារតែអ្នកលក់ដែលជាមនុស្សប្រុស ស្លៀករ៉ូបនោះរួចថតផ្ញើទៅកាន់នារីខាងលើ ដើម្បីបង្ហាញឲ្យឃើញការពិត។

នារីជាអ្នកទិញឥវ៉ាន់ មិនបញ្ចេញឈ្មោះរូបនេះ ត្រូវគេជឿជាក់ថាមកពីចក្រភពអង់គ្លេស បានប្រាប់ពីដំណើររឿងឲ្យដឹងថា នាងស្វែងរកទិញរ៉ូបសម្រាប់ស្លៀកចូលរួមកម្មវិធីពេលល្ងាច ដែលត្រូវបាននាំចូលពីប្រទេសចិន ហើយវាមានតម្លៃចាប់ពី ១០១ដុល្លារ នៅលើគេហទំព័រ AliExpress។

ជាមួយគ្នានេះដែរ នាងបានបង្ហោះសារ ដោយភ្ជាប់ជាមួយរូបប៉ុន្មានសន្លឹក ទៅលើគេហទំព័រ Reddit ដោយពន្យល់ប្រាប់ថា «ខ្ញុំបានរកឃើញហាងមួយដែលលក់រ៉ូប ដូច្នេះខ្ញុំបានសួររករូបពិត ហើយអ្នកលក់ក៏បានផ្ញើរូបថតគាត់ពាក់វាមកតែម្ដង»៕