ជិះបុកឡាន Rolls-Royce ត្រូវម្ចាស់ទាមទារឲ្យលក់ផ្ទះ ដើម្បីសងថ្លៃខូចខាត

2017-12-14 02:21:24
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ៨ ខែធ្នូ បុរសជនជាតិចិនម្នាក់បានបើកបររថយន្តម៉ាក Hyundai មួយគ្រឿងនៅខេត្ត Shenyang ហើយក៏បានបុកគ្នាជាមួយរថយន្តទំនើបម៉ាក Rolls-Royce ធ្វើឲ្យម្ចាស់ឡានផ្ទុះកំហឹងយ៉ាងខ្លាំង និងបានបញ្ជាឱ្យលក់ផ្ទះដើម្បីសងថ្លៃខូចខាតទៀតផង។

សាក្សីបានអះអាងថា ម្ចាស់រថយន្ត Rolls-Royce ខឹងសម្បារយ៉ាងខ្លាំង ហើយពាក្យដំបូងដែលលោកបាននិយាយបន្ទាប់ពីការបុកគ្នានោះគឺ "លក់ផ្ទះរបស់អ្នកឯងទៅ!" ។ ទន្ទឹមនឹងនេះដែរ អ្នកបើកបររថយន្ត Hyundai មានភាពតក់ស្លុតយ៉ាងខ្លាំង នៅពេលអាជ្ញាធរកំពុងស្ទាបស្ទង់មើលរថយន្តដែលខូចខាត។

យោងតាមកាសែត Beijing Morning Post បានឱ្យដឹងថារថយន្ត Rolls-Royce នេះមានតម្លៃចន្លោះពី ៤ លានទៅ ១៤ លានយ័ន (៦០៤ ០០០ ដុល្លារ ទៅ ២,១ លានដុល្លារ) ខណៈដែលគ្រាន់តែរូបសញ្ញាខាងមុខរបស់វាមានតម្លៃរហូតទៅដល់ ២៤០ ០០០ យ៉ន់ (៣៦ ២៥០ ដុល្លារ) បាត់ទៅហើយ។

ក្រោយពីបានទទួលព័ត៌មាននេះភ្លាមៗ អ្នកនិយមលេងអ៊ីនធឺណិតនៅប្រទេសចិនមួយចំនួន និយាយថាទង្វើរបស់ម្ចាស់រថយន្ត Rolls-Royce នេះធ្វើឲ្យមានភាពអយុត្តិធម៌ធ្ងន់ធ្ងរនៅក្នុងសង្គម។

ចំណែកឯអ្នកខ្លះទៀតបានបញ្ចេញមតិថា ការដែលម្ចាស់រថយន្ត Rolls-Royce ស្នើសុំឲ្យម្ចាស់រថយន្ត Hyundai លក់ផ្ទះដើម្បីសងការខូចខាតគឺសមហេតុសមផលហើយ ដោយសារតែប្រាក់ធានារ៉ាប់រងមិនគ្រប់គ្រាន់សម្រាប់ថ្លៃខូចខាតរបស់រថយន្តនោះទេ៕