ស្រ្តីម្នាក់ មិនដែលបោកស្រោមខ្នើយ អស់៥ឆ្នាំ ចុងក្រោយ ចេះតែរមាស់ភ្នែក ស្រាប់តែរកឃើញ...

2017-12-13 02:03:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីជនជាតិចិនម្នាក់ បានស្វះស្វែងរកការព្យាបាលអាការៈរមាស់ភ្នែករបស់នាង ហើយចុងក្រោយទើបដឹងថា នាងមានប៉ារ៉ាស៊ីតជាង ១០០ក្បាល កំពុងរស់នៅក្នុងរោមភ្នែក និងត្របកភ្នែករបស់នាង។

ស្ត្រីដែលត្រូវគេស្គាល់ឈ្មោះថា Xu បានប្រាប់ក្រុមគ្រូពេទ្យ នៅក្នុងទីក្រុង Wuhan នៃខេត្ត Hubei ប្រទេសចិន ថា នាងមានអាការៈរមាស់ភ្នែក និង ក្រហមភ្នែកអស់រយៈពេល ២ឆ្នាំមកហើយ ប៉ុន្តែយូរទៅក៏ស៊ាំនឹងបញ្ហានេះ។

ទោះជាយ៉ាងណា នៅពេលគ្រូពេទ្យសួរនាំពីអនាម័យនៅផ្ទះរបស់នាង ពេលនោះនាងបានសារភាពថា នាងកំពុងប្រើប្រាស់ស្រោមខ្នើយ ដែលមិនបានបោកសម្អាត តាំងពីឆ្នាំ២០១២ មកម្ល៉េះ។

ស្ត្រីខាងលើបានរស់នៅជាមួយអាការៈបែបនេះ ជាង២ឆ្នាំមកហើយ និងបានប្រាប់គ្រូពេទ្យថា នាងបានព្យាបាលការរមាស់នេះ ដោយប្រើថ្នាំបន្តក់ភ្នែក។ យ៉ាងណាមិញ នៅពេលដែលអាការៈកាន់តែធ្ងន់ធ្ងរ បណ្ដាលឲ្យរោមភ្នែករបស់នាងរឹង និងត្របកភ្នែកជាប់គ្នាតែម្ដង។

ក្នុងអំឡុងពេលពិនិត្យ គ្រូពេទ្យមានការភ្ញាក់ផ្អើលយ៉ាងខ្លាំង នៅពេលរកឃើញប៉ារ៉ាស៊ីតជាង ១០០ក្បាលនៅលើត្របកភ្នែករបស់នាង ខណៈនាងត្រូវបានគេធ្វើរោគវិនិច្ឆ័យឃើញរោគសញ្ញា ដូចជា រលាកត្របកភ្នែក , ជំងឺភ្នែកក្រហម និង រលាករោមភ្នែកផងដែរ។

គ្រូពេទ្យបានប្រាប់ឲ្យដឹងថា ការមិនលាងសម្អាតខ្នើយរយៈពេល ៥ឆ្នាំ និងកង្វះលំហូរខ្យល់នៅក្នុងបន្ទប់ដេក ទើបធ្វើឲ្យនាងស្ថិតនៅកម្រិតគ្រោះថ្នាក់មួយបែបនេះ។

យ៉ាងណាក៏ដោយ នៅចុងបញ្ចប់ ស្ត្រីឈ្មោះ Xu រូបនេះ បានជាសះស្បើយវិញ បន្ទាប់ពីទទួលបានការព្យាបាល៕

ចុចអាន៖

ប្រភព៖ Dailymail ប្រែសម្រួល៖ សេង ឡុង