ខំជិះ១០០០គីឡូដី ទៅជួបមិត្តស្រីលើអ៊ីនធឺណិត ចុងក្រោយត្រូវប្តីនាង ចាប់ចងវាយដូចសត្វ

2017-12-19 02:38:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីសប្ដាហ៍មុន បុរសជនជាតិចិនម្នាក់ បានធ្វើដំណើរជាង ១ ០០០គីឡូម៉ែត្រ ដើម្បីទៅជួបមិត្តស្រីលើអ៊ីនធឺណិតរបស់ខ្លួនជាលើកដំបូង ប៉ុន្តែបែរជាត្រូវប្ដីរបស់នាងចាប់ចង និងវាយដូចសត្វធាតុទៅវិញ។

បុរសដ៏កម្សត់ និងស្ត្រីដែលមានប្ដីខាងលើ បានលង់ស្រលាញ់គ្នា តាមរយៈបណ្ដាញសង្គម WeChat ចាប់តាំងពីលេងសារជាមួយគ្នាដំបូង កាលពីខែមេសា មកម្ល៉េះ ដោយមិនបានដឹងថានាងមានប្ដីនោះទេ។ នៅទីបំផុត ពោលគឺនៅថ្ងៃទី១០ ខែធ្នូ កន្លងទៅនេះ បុរសរូបនោះបានសម្រេចចិត្តធ្វើដំណើរពីទីក្រុង Wuhan ទៅកាន់ ទីក្រុង Qujing ក្នុងខេត្ត Yunnan ដើម្បីជួបមុខនាងជាលើកដំបូង។

មិនតែប៉ុណ្ណោះ ដោយដឹងថា មិត្តស្រីរបស់ខ្លួនត្រូវការទូរសព្ទថ្មី បុរសចិត្តស្មោះរូបនេះ បានទិញទូរសព្ទថ្មីមួយគ្រឿង ដើម្បីទុកជូននាងថែមទៀតផង។

យ៉ាងណាមិញ រឿងគ្រប់យ៉ាងបានប្រែក្លាយទៅជារឿងអាក្រក់ នៅពេលដែលបុរសនោះយកទូរសព្ទទៅឲ្យមិត្តស្រី ដែលទើបតែជួបមុខគ្នាលើកដំបូង ស្រាប់តែប្ដីរបស់នាង និងគ្នីគ្នា ដែលកំពុងខឹងក្រោធយ៉ាងខ្លាំង បានមកចាប់បុរសដ៏កម្សត់នេះ ចងជាប់ទៅនឹងបង្គោលភ្លើង រួចយកខ្សែក្រវាត់ និងទុយយោវាយនៅទីសាធារណៈ ដូចសត្វធាតុអីចឹង។

នៅចុងបញ្ចប់ ប្ដីក៏បានបង្ខំប្រពន្ធ ឲ្យប្រគល់ទូរសព្ទទៅឲ្យបុរសនោះវិញផងដែរ៕

ចង់ដឹងយ៉ាងណា សូមទស្សនាវីដេអូខាងក្រោម៖