ដោយសារ​ពាក្យ​មួយឃ្លា ថៅកែស្រាទំពាំងបាយជូរ​បាណន់ សម្រេច​ដាំដំណាំ​ទំពាំងបាយជូរដំបូងគេ​ នៅបាត់ដំបង

  • 2018-01-08 03:22:28
  • ចំនួនមតិ 1 | ចំនួនចែករំលែក 28

ចន្លោះមិនឃើញ

លោក ចាន់ ថៃឈឿង ជា​ថៅកែ​ស្រាទំពាំង​បាជូរ​ផង និង​ម្ចាស់​ចម្ការ​ទំពាំង​បាយ​ជូរ​ នៅ​បាណន់ និង​ស្រុក​រតនមណ្ឌល ខេត្ត​បាត់ដំបង ដែល​ល្បីល្បាញ​មួយរូប បានផ្ដើម​ដាំ​ទំពាំង​បាយជូរ​មុន​គេ ខណៈ​មតិមហាជន​ គិតថា ដំណាំ​នេះ​មិន​អាច​ដាំដុះ​លើ​ដីខ្មែរ​បាន​។

ជម្នះ​នូវ​ការ​សើចចំអក​ ស្របនឹង​គ្រូទាយ​ថា លោក​មាន​សំណាង មាន​ហេង​ តែ​លើ​មុខរបរ​កសិកម្ម​ផង​នោះ លោក ថៃឈឿង បាន​ស្វះស្វែង​​រកចំណេះ​ដឹង​ផ្សេង​ទាក់ទង​ការ​ដាំ​ដំណាំ​នេះ ដើម្បី​ឲ្យ​សម្រេច​ដូច​បំណង គឺ​បាន​ទិញ​សៀវភៅ ទស្សនាវដ្ដី​ ផ្សេងៗ ដែល​រៀបរាប់​ពីវិធី​ដាំដុះ​ដំណាំ​ទំពាំង​បាយជូរ ហើយ​ទីបំផុត លោក​សម្រេច​ចាប់​ផ្ដើម​ ដាំវាឡើង​នៅ​អំឡុង​ឆ្នាំ ២ ០០០។

កាល​ពី​ ១៨ឆ្នាំ មុន​ នៃ​ការ​ចាប់​ផ្ដើម​ដាំដុះដំណាំ​ទំពាំងបាយជូរ ដោយ​លោក​យល់​ឃើញថា ដំណាំ​មួយ​នេះ​មាន​ទីផ្សារ​ខ្ពស់ ហើយ​បើ​សម្រេច​ផល​វិញ នោះ​មិន​លំបាក​រកទីផ្សារ​ទេ។ ដូច្នេះ​ហើយ​លោក​តែ​បង្កើត​ពាក្យ​មួយឃ្លា​សម្រាប់​ខ្លួន​ឯង​ថា «សុខចិត្ត​ដាំដំណាំ​ដែល​ពិបាក​ តែស្រួល​រកទីផ្សារ ជៀសវាង​ដំណាំ​ដែលស្រួល តែពិបាក​រកទីផ្សារ»។

សព្វថ្ងៃ​នេះ មិនថាភ្ញៀវ​ទេសចរបរទេស ឬ​ភ្ញៀវ​ក្នុង​ស្រុក​ទេ ឲ្យតែ​បាន​ដល់​ខេត្ត​បាត់​ដំបង​ រមែង​ចូល​កន្លែង​ផលិតស្រាទំពាំង​បាយជូរ លោក ចាន់ឈឿន នៅ​ស្រុក​បាណន់ ឥលូវ​នេះ ដោយ​ឃើញ​ទីផ្សារ​កាន់តែ​ខ្លាំង លោក ថៃឈឿន បាន​ពង្រីក​ការដាំដុះ​ ១៣ហិកតារ លើ​ផ្ទៃដី ៥០ហិកតារ នៅ​ស្រុក​រតនមណ្ឌល ខេត្ត​បាត់ដំបង៕


អត្ថបទ៖ ក្រុមការងារផ្លូវទៅស្រុក