អតីតយុវជនជម្រើសជាតិអង់គ្លេស កំពុងធ្វើតេស្ដនៅក្រោន អាចដឹងដំណឹងឆាប់ៗ

2018-01-09 02:29:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Jorrin John ដែលជាអតីតយុវជនរបស់ជម្រើសជាតិអង់គ្លេសតាំងពី U16 ដល់ U19 កំពុងតែធ្វើតេស្ដសមត្ថភាពនៅក្លឹបភ្នំពេញក្រោន ហើយអាចនឹងចុះកុងត្រានៅសប្ដាហ៍នេះ។

រូបភាព៖ ក្លឹបភ្នំពេញក្រោន

លោក Sean Sainsbury គ្រូបង្វឹកក្រុមភ្នំពេញក្រោនបាននិយាយថាក្រុមរបស់លោកបានចុះកុងត្រាយកកីឡាករបរទេសម្នាក់រួចហើយ ដូច្នេះនៅសល់កីឡាករ៣នាក់ទៀតដែលនឹងត្រូវចុះកុងត្រាបន្ថែម។ កុងត្រានោះ អាចនឹងកើតមានឡើងនៅសប្ដាហ៍ ឬយ៉ាងយូរត្រឹមសប្ដាហ៍ក្រោយ។

John វ័យ២៧ឆ្នាំជាថ្នាលយុវជនដែលហាត់នៅក្រុម Aston Villa និង Leicester City ។ រូបគេបានជាប់ឈ្មោះនៅក្រុមធំរបស់ Leicester បាន១រដូវកាលដែរឆ្នាំ២០១០-១១ ប៉ុន្តែមិនមានឱកាសបានបង្ហាញសមត្ថភាពនោះទេ។ ក្រោយមកទៀត ខ្សែប្រយុទ្ធរូបនេះក៏បានធ្វើដំណើរស្វែងរកទ្រនំថ្មីនៅតំបន់អាស៊ី បានចូលជាមួយក្រុម Muangthong United ដោយមានកុងត្រា១៨ខែ។ រូបគេក៏ត្រូវដាក់ឱ្យទៅលេងជាមួយក្រុម Suphanburi ដែលជាក្រុមទី២របស់ Muangthong ដែលនៅលីគក្រោម។ នៅ Suphanburi នេះ John បង្ហាញខ្លួនបាន៣៦ប្រកួតដែរ ដោយរកបាន១០គ្រាប់៕

អត្ថបទ៖ មុន្នីរម្យ