ទីផ្សារដោះដូរកីឡាករ នៅកម្ពុជាគិតត្រឹមពេលនេះ
- 2018-01-10 03:25:30
- ចំនួនមតិ 0 | ចំនួនចែករំលែក 0
ទីផ្សារដោះដូរកីឡាករ នៅកម្ពុជាគិតត្រឹមពេលនេះ
ចន្លោះមិនឃើញ
លីគកំពូលកម្ពុជា គ្រោងដំណើរការប្រកួតថ្ងៃទី៣ ខែមីនា ឆ្នាំ២០១៨ ដែលពេលនេះក្លឹបក្នុងលីកកំពូលកម្ពុជាកំពុងធ្វើការតាមប្រមាញ់កីឡាករថ្មី និងល្អៗមកពង្រឹងក្លឹបរបស់ខ្លួន។ សម្រាប់ពេលនេះ SABAY សូមធ្វើការបង្ហាញកីឡាករបរទេសខ្លះៗ ដែលកំពុងត្រៀម ឬបានចុះកុងត្រារួចរាល់នៅតាមក្លឹបនីមួយៗ ។
ក្រសួងការពារជាតិ៖ ក្លឹបនេះបាននាំយកកីឡាករបរទេសថ្មីចំនួន ៥ រូបមកជំនួសកីឡាករកូរ៉េខាងជើង ដែលបានចេញទៅ វិសាខា។ កីឡាករបរទេស ៥ រូបនេះ គ្រោងធ្វើការប្រកាសផ្លូវការក្នុងពេលសន្និសីទកាសែតនាពេលដ៏ខ្លីខាងមុខនេះ។
ភ្នំពេញក្រោន ៖ នាំចូលកីឡាករសញ្ជាតិអ៊ីរ៉ង់ Pouya Hossein ដែលយកមកពីក្លឹប PSM Massakar FC (ប្រទេសឥណ្ឌូណេស៊ី)។ ខ្សែប្រយុទ្ធ Jorrin John ក្លឹបភ្នំពេញក្រោន មិនទាន់បានកំណត់ថា ចុះកុងត្រាយកឬយ៉ាងណាទេ ប៉ុន្តែកំពុងស្ថិតក្នុងការធ្វើតេស្ត។
ព្រះខ័នរាជស្វាយរៀង៖ ក្លឹបមួយនេះ នឹងធ្វើការប្រកាសផ្លូវការក្នុងការចុះកុងត្រាយកកីឡាករបរទេសថ្ងៃនេះ។ ជាមួយគ្នានោះខ្សែប្រយុទ្ធ Booysen Shane ក៏គ្រោងប្រកាសចូលជាមួយក្លឹបមួយនេះផងដែរ។
វិសាខា៖ ក្លឹបនេះកំពុងមានការចាប់អារម្មណ៍ខ្លាំងពីសំណាក់អ្នកស្នេហាវិស័យបាល់ទាត់នៅកម្ពុជា។ ជាមួយគ្នានោះក្លឹបនេះបាននាំយកកីឡាករកូរ៉េខាងជើងរបស់ទ័ពទាំង ៤ នាក់តែម្ដងគឺ ខ្សែប្រយុទ្ធ Choe Myong-ho, ខ្សែបម្រើ Kim Kyong-hon, ខ្សែប្រយុទ្ធ Ri Hyok-chol និងខ្សែការពារ Jang Song-hyok នឹងទៅចូលរួមជាមួយ វិសាខា។
អង្គរ Tiger ៖ ក្លឹបនេះបាននាំយកកីឡាករថ្មីរបស់ជប៉ុនបានចំនួន ២ រូបហើយគឺមាន Kazuteru Okamoto ពាក់លេខ ៩ និងមានតួនាទីជាខ្សែប្រយុទ្ធ ព្រមទាំង ១ រូបទៀតឈ្មោះ Ryota Hayashi ពាក់លេខ ៥ កីឡាករនេះមានតួនាទីជាខ្សែការពារ។
ណាហ្គាវើល ៖ ក្លឹបនេះកំពុងធ្វើតេស្តកីឡាករបរទេសមួយចំនួន ដែលមិនទាន់ដឹងពីពេលវេលាជាក់លាក់ក្នុងការប្រកាសផ្លូវការនៅឡើយ។
សូលទីឡូអង្គរ ៖ បើតាមការប្រកួតផ្លូវការក្លឹបនេះបាននាំយកកីឡាករកម្ពុជាយ៉ាងច្រើន ប៉ុន្តែកីឡាករបរទេសទើបឃើញប្រកាសរើសបាន១រូបប៉ុណ្ណោះគឺកីឡាករមានសញ្ជាតិជប៉ុន UNNO TOMOYUKI (TOMO) ដែលមានតួនាទីជាខ្សែបម្រើ។
ក្រៅពីក្លឹបខាងលើ នៅមានក្លឹបចំនួន ៧ ផ្សេងទៀតគឺមាន បឹងកេត អគ្គិសនីកម្ពុជា ស៊ីម៉ាក អាស៊ីអឺរ៉ុប គីរីវង់សុខសែនជ័យ ប៉ូលិស និង វេស្ទើន ដែលមិនទាន់មានការប្រកាសជាក់លាក់ណាមួយអំពីការនាំចូលកីឡាករបរទេសរបស់ខ្លួននៅឡើយ៕