ដឹងតម្លៃខ្លួនអ្នកប្រដាល់ល្បីៗ ៥រូបនេះមានតែ កាកា ទទួលបានច្រើនជាងគេ

2018-01-11 02:33:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់គ្រប់រូបឡើងប្រកួតម្ដងៗ ទទួលបានប្រាក់តម្លៃខ្លួនទៅតាមកេរ្តិ៍ឈ្មោះ និងសមត្ថភាពរបស់ខ្លួន។ អ្នកខ្លះបានច្រើន អ្នកខ្លះបានតិច ដើម្បីឲ្យប្រិយមិត្តដឹងច្បាស់ថ្ងៃនេះ Sabay សូមបង្ហាញតម្លៃខ្លួនកីឡាករប្រដាល់ល្បីៗ ៥ រូបខាងក្រោមនេះ៖

សុខ ធី ៖ ជើងខ្លាំងវ័យក្មេងរូបនេះបច្ចុប្បន្នឡើងសង្វៀននៅប្រទេសថៃម្ដងទទួលបានតម្លៃខ្លួន ៤៥០០០បាត (ប្រហែល១៣០០ដុល្លារ)។ ក្នុងមួយខែរូបគេអាចរកបានចន្លោះពី ៨០ ០០០បាតទៅ៩០ ០០០ បាតផងដែរ (២ ៤០០ទៅ ២ ៧០០ដុល្លារ)។ តម្លៃខ្លួននេះគឺ កាកា ធ្វើការប្រកួតនៅលើទឹកដីថៃ។

កាកា

ធឿន ធារ៉ា ៖ ឡើងសង្វៀន Max Muay Thai កន្លងទៅ រូបគេទទួលបានតម្លៃខ្លួនចំនួន ២ម៉ឺនបាត (ជាង៦០០ដុល្លារសហរដ្ឋអាមេរិក)។

រឿង សោភ័ណ្ឌ ៖ កីឡាករឆ្នើមរបស់កម្ពុជាពូកែប្រើកណ្ដាប់ដៃរូបនេះ ត្រូវបានគេដឹងថា ទទួលប្រាក់តម្លៃខ្លួនចន្លោះពី ៤០០ ទៅ៥០០ ដុល្លារអាមេរិក អាស្រ័យទៅតាមតម្លៃនៃប៉ុស្តិ៍ទូរទស្សន៍។

រឿង សោភ័ណ្ឌ

ឡុង សុភី ៖ អ្នកប្រដាល់ចាស់វស្សាកំពុងឡើងកូដរូបនេះ ត្រូវបានគេដឹងថា ទទួលបានប្រាក់តម្លៃខ្លួនចន្លោះពី ៤០០ ទៅ ៤៥០ ដុល្លារអាមេរិក ហើយចំនួនទឹកប្រាក់នេះអាស្រ័យទៅតាមប៉ុស្តិ៍ទូរទស្សន៍ផ្ដល់ជូន។

ឡុង សុភី

ពេជ្រ ម្ទេសខ្មាំង ៖ អ្នកប្រដាល់វ័យ២២ឆ្នាំរូបនេះធ្លាប់ប្រកួតបាន ៨៨ ដងក្នុងនោះឈ្នះ ៨១ ដងស្មើ ២ ចាញ់ ៥ ដង។ សម្រាប់តម្លៃខ្លួនដែលរូបគេទទួលបានក្នុងការប្រកួតម្ដងៗគឺមានចំនួនចន្លោះពី ៣៥០ – ៤០០ ដុល្លារអាមេរិក៕