ទិដ្ឋភាពតួ Superhero ល្បីៗថតរឿងវគ្គថ្មី "Avenger 4” អាចបង្កប់សាច់រឿងមួយ (វីដេអូ)

2018-01-11 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តដ៏ល្បី "Avenger: Infinity War” ដែលត្រូវជាវគ្គទី៣ នឹងចាប់ដាក់បញ្ចាំងនៅខែឧសភានេះហើយ ដូច្នេះ Marvel Studio ក៏មិនបង្អង់ពេលសម្រាប់ថតភាពយន្តនេះវគ្គទី៤ដែរ។

ថ្មីៗនេះគេប្រទះឃើញតួអង្គ Superheroes ជាច្រើនដូចជា The Hulk, Iron Man, Captain America, Ant Man សម្ដែងដោយលោក Mark Ruffalo, Robert Downey Jr, Chris Evans និង Paul Rudd បង្ហាញខ្លួនថតឈុតឆាកក្នុងរឿង "Avenger 4” កាលពីព្រឹកថ្ងៃពុធ។

បើសិនជាក្រឡេកមើលរូបថតដែលថតបាន តារាសម្ដែង Chris Evans វ័យ ៣៦ឆ្នាំមើលទៅដូចជាសប្បាយរីករាយជាងគេ ខណៈពេលតារារូបនេះស្លៀកពាក់ឈុតសម្លៀកបំពាក់សម្រាប់តួអង្គ Captain America។

បើតាមការអះអាងរបស់សារព័ត៌មាន TMZ បញ្ជាក់កាលពីថ្ងៃពុធនេះបានឲ្យដឹងថា តួអង្គ Captain អាចនឹងស្លាប់នៅក្នុងរឿង "Avenger: Infinity War”។ អំណះអំណាងនេះគឺពឹងផ្អែកទៅលើឈុតសម្លៀកបំពាក់របស់ Captain ដែលជាឈុតតួអង្គនេះស្លៀកពាក់កាលពីក្នុងរឿង "Avenger” វគ្គដំបូង ដូច្នេះឈុតឆាកដែលគេថតនោះគឺជាឈុត រំលឹកពីការចងចាំរបស់ Captain។

ក៏ប៉ុន្តែការអះអាងនេះមិនអាចជាត្រូវ ១០០ភាគរយនោះទេ ព្រោះឈុតឆាកនេះអាចកើតឡើងកាលពីវគ្គដំបូងក៏ពិតមែន ប៉ុន្តែពេលនេះពួកគេបែរជាបានចូលរួមជាមួយ Ant Man ទៅវិញ ចំណែកឯតួអង្គ Iron Man សម្ដែងដោយ Robert Downey Jr. នោះក៏មិនបានស្លៀកពាក់ឈុតចម្បាំងផងដែរ។

ដូច្នេះឈុតឆាកនេះអាចកើតឡើងដោយសារការបង្វិលពេលវេលា ឫក៏អ្វីស្រដៀងនឹងនេះ។ ភាពយន្ត "Avenger 4” នឹងដាក់បញ្ចាំងនៅថ្ងៃទី ៣ ខែឧសភាឆ្នាំក្រោយ៕

ឈុតឆាកថតរឿងខ្លះក្នុងរឿង "Avenger 4"

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ