កំពូលតារាចម្រៀងអេស្ប៉ាញទាំង១០រូប អ្នកគួរតែស្គាល់

2018-01-10 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំ ២០១៧ កន្លងទៅនេះបទចម្រៀងអេស្ប៉ាញឫឡាទីន ជាច្រើនទទួលបានភាពល្បីល្បាញទូទាំងពិភពលោក។ ក្នុងនោះក៏មានបទចម្រៀងរបស់លោក Luis Fonsi “Despasito” ដែលនណារក៏ស្គាល់នឹងឮបទនេះដែរ ក្រៅពីនោះក៏មានបទល្បីៗដូចជា "Mi Gente” របស់លោក J Balvin និង Willy William និង "Subeme La Radio” របស់លោក Enrique Iglesias ជាដើម៕

ដូច្នេះមកស្គាល់ពីតារាអេស្ប៉ាញទាំង១០ដែលកំពុងល្បីខ្លាំង៖

១. Daddy Yankee

Daddy Yankee មានឈ្មោះដើមថា Ramón Luis Ayala Rodríguez អាយុ ៤០ឆ្នាំជាតារាចម្រៀងសញ្ជាតិ្ត ពួតូរីកូ។ លោកក៏ជាតារាសម្ដែង អ្នកនិពន្ធបទចម្រៀង និងផលិតករតន្ត្រីផងដែរ។ លោកមានបទចម្រៀងល្បីៗខ្លាំងដូចជា "Vuelve”, “La Rompe Corazones” និង "Shaky Shaky” ជាដើម។

វីដេអូចម្រៀងបទ "Shaky Shaky”៖

២. Romeo Santos

Romeo Santos ឈ្មោះដើម Anthony Santos ជាតារាចម្រៀងអេស្ប៉ាញមានសម្លេងគ្រលួចរន្ដំជាមានសញ្ជាតិអាម៉េរិកាំង វ័យ៣៦ឆ្នាំមកពីទីក្រុង New York សហរដ្ឋអាមេរិក។ លោកមានបទចម្រៀងល្បីៗដូចជា "Propuesta Indecente”, “Eres Mia” និង "Bella y Sensual” ជាដើម។

វីដេអូចម្រៀងបទ "Propuesta Indecente”៖

៣. Nicky Jam

Nicky Jam មានឈ្មោះដើម Nick Rivera Caminero គឺជាតារាចម្រៀងសញ្ជាតិ្តអាម៉េរិកាំងអាយុ ៣៦ឆ្នាំមកពីទីក្រុង បូស្តុន រដ្ឋម៉ាសាឈូសិត សហរដ្ឋអាមេរិក។ លោកមានបទចម្រៀងល្បីៗជាច្រើនពីអាល់ប៊ុមចុងក្រោយរបស់លោកដូចជាបទ "Hasta el Amanecer”, “El Amante” និង "El Perdón” ជាដើម។

វីដេអូចម្រៀងបទ "El Amante”៖

៤. Shakira

Shakira មានឈ្មោះពេញថា Shakira Isabel Mebarak Ripoll វ័យ ៤០ឆ្នាំ ជាតារាចម្រៀងសញ្ជាតិកូឡុំប៊ី និងព្រមទាំងជាអ្នកនិពន្ធ អ្នករាំ និងផលិតករតន្ត្រីទៀតផង។ Shakira មានបទចម្រៀងល្បីៗជាច្រើនគិតតាំងពីជាង១០ឆ្នាំកន្លងទៅមកម្ល៉េះ។ ថ្មីៗនេះនាងទើបតែបញ្ចេញបទល្បីៗដូចជា "Me Enamoré” និង " Chantaje” ជាដើម។

វីដេអូចម្រៀងបទ "Chataje”៖

**៥. Luis Fonsi **

Luis Fonsi មានឈ្មោះពេញ Luis Alfonso Rodríguez López-Cepero វ័យ ៣៩ ជាតារាចម្រៀងសញ្ជាតិព័រតូរីកូល្បី ដែលអ្នកទាំងអស់គ្នាស្គាល់តាមរយៈបទ "Despacito”។ សម្រាប់ឆ្នាំ ២០១៧ នេះ Fonsi មានបទល្បីខ្លាំង២បទគឺបទ "Despacito” និង "Échame la Culpa”។

វីដេអូចម្រៀងបទ " Échame la Culpa”៖

៦. Maluma

Maluma មានឈ្មោះពិតប្រាកដ Juan Luis Londoño Arias ជាតារាចម្រៀងមកពីប្រទេសកូឡុំប៊ី វ័យ២៣ឆ្នាំ។ តារារូបនេះត្រូវបានគេចាត់ទុកថា ជាតារាចម្រៀងប្រុសដែលមានសម្រស់ស្រស់សង្ហាខ្លាំង និងទទួលបានការគាំទ្រយ៉ាងច្រើនសន្ធឹកសន្ធាប់ក្នុងរយៈពេលប៉ុន្មានឆ្នាំចុងក្រោយនេះ។ ថ្មីនេះ Maluma មានបទចម្រៀងល្បីៗដូចជា "Felice los 4”, “Corazón” និង "Borro Cassette” ជាដើម។

វីដេអូចម្រៀងបទ " Corazón”៖

៧. J Balvin

J Balvin មានឈ្មោះដើម José Álvaro Osorio Balvin វ័យ៣២ឆ្នាំជាតារាចម្រៀងសញ្ជាតិ្តកូឡុំប៊ី។ តារារូបនេះល្បីឈ្មោះសម្រាប់ចម្រៀងចង្វាក់រេហ្គេ និង "Trap Music” របស់លោក។ តារារូបនេះមានបទចម្រៀងល្បីៗដូចជា "Mi Gente”, “Ay Vamos” និង "Bonita” ជាដើម។

វីដេអូចម្រៀងបទ "Mi Gente”៖

៨. Enrique Iglesias

Erique មានឈ្មោះពេញថា Enrique Miguel Iglesias Preysler ជាតារាចម្រៀងមកពីប្រទេសអេស្ប៉ាញវ័យ ៤២ឆ្នាំ។ តារារូបនេះមានឈ្មោះល្បីល្បាញអស់រយៈពេលរាប់សិបឆ្នាំទៅហើយ មិនថាជាបទចម្រៀងភាសាអង់គ្លេសឫភាសាអេស្ប៉ាញនោះទេ។ បទចម្រៀងល្បីៗថ្មីៗរបស់លោកនៅពេលនេះមានដូចជា "Bailando”, “El Perdón” និង "Súbeme La Radio” ជាដើម។

វីដេអូចម្រៀងបទ "Súbeme La Radio”៖

៩. Ricky Martin

Ricky Martin ឫឈ្មោះពិតប្រាកដ Enrique Martín Morales វ័យ ៤៦ឆ្នាំជាតារាចម្រៀងសញ្ជាតិព័រតូរីកូ។ តារារូបនេះក៏ប្រឡូកក្នុងវិស័យសម្ដែងផងដែរ ហើយអ្វីដែលគួរកត់សម្គាល់នោះគឺ លោកបានចាប់ផ្ដើមអាជីពចម្រៀងតាំងពីអាយុ ១២ឆ្នាំមកម្ល៉េះ។ លោកមានបទចម្រៀងល្បីៗខ្លាំងដូចជា "Livin' la Vida Loca”, “La Mordidita” និង "Vente Pa' Ca” ជាដើម។

វីដេអូចម្រៀងបទ "Vente Pa” Ca'៖

១០. Ozuna

Ozuna មានឈ្មោះពិតប្រាកដ Juan Carlos Ozuna Rosado វ័យ ២៥ឆ្នាំជាតារាចម្រៀងសញ្ជាតិព័រតូរីកូ។ លោកផ្ដោតសំខាន់ទៅលើចង្វាក់ រ៉េហ្គេ និង ឡាទីនបែបកន្ត្រាក់ (Latin Trap)។ លោកមានបទចម្រៀងល្បីៗដូចជា "Tu Foto”. “Te Vas” និង "Criminal” ជាដើម។

វីដេអូចម្រៀងបទ "Criminal”៖