Katy Perry បើកកកាយពីភាពលំបាកសម្រាប់ជីវិតជាតារាល្បី

2018-01-10 08:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាមួយនឹងចំនួនអ្នក Follow នៅបណ្ដាញសង្គមរបស់តារាចម្រៀង Katy Perry គឺដល់ទៅជាង ៦៨លាននាក់ឯណោះ ដែលចំនួននេះគឺច្រើនជាងចំនួនប្រជាជនរស់នៅចក្រភពអង់គ្លេសទៅទៀត ដូច្នេះជីវិតឯកជនរបស់នាងពិតជាពិបាកបន្តិចហើយ។

គ្រប់ទីកន្លែងដែលនាង ធ្វើដំណើរកាត់ឫចេញទៅខាងក្រៅ អ្នកគាំទ្រជាច្រើនតែងតែចំណាំនាងបាន និងសុំថតរូបជាមួយឫក៏បង្កើតសំឡេងគួរឲ្យរំខាន។

ដូច្នេះតើតារាវ័យ ៣៣ឆ្នាំរូបនេះមានមធ្យោបាយយ៉ាងណាទៅដើម្បីគេចវេះពីបញ្ហានេះបាន?

នៅក្នុងកិច្ចសម្ភាសន៍មួយ ខណៈនាងបង្ហាញខ្លួនជាអ្នកកាត់ក្ដីក្នុងកម្មវិធី American Idol នាងបានបញ្ជាក់ខ្លះៗពីបញ្ហានេះ។ "វាដូចជាដើរលើខ្សែអញ្ចឹង" Katy បានឆ្លើយថាដូច្នេះ។ នាងបន្តថា៖ "ពេលខ្លះអ្នកមិនចាំបាច់ឆ្លើយរាល់សំនួរនោះទេ ហើយអ្នកក៏មិនស្ថិតនៅក្រោមគំនាបរបស់អ្នកណាដែរ។ ដូច្នេះអ្នកមិនត្រូវតែបង្ហាញនិងបញ្ជាក់ពីគ្រប់រឿងរ៉ាវ លើបណ្ដាញសង្គម Instagram នោះឡើយ។ ប៉ុន្តែអ្នកខ្លះគេពេញចិត្តនឹងធ្វើដូច្នេះ នោះក៏អាចជាមធ្យោបាយល្អរបស់គេដែរ។"

ជាមួយនឹងអ្នក Follower ដល់ទៅជាង១០០លាននាក់លើបណ្ដាញសង្គម Twitter តារារូបនេះបញ្ជាក់ថា នាងក៏មិនខុសពីមនុស្សធម្មតាប៉ុន្មានដែរ។ នាងចូលចិត្តមើលភាពយន្ត ដើរលេងក្រៅប្រទេស ស្រលាញ់វប្បធម៌ផ្សេងៗ និងស្រលាញ់សិល្បៈជាដើម។ "ខ្ញុំមិនខុសពីអ្នកដទៃនោះទេ" Katy Perry បញ្ជាក់។

ទោះជាយ៉ាងណាក៏ដោយ ក៏ពេលនាងចេញទៅខាងក្រៅនាងតែងតែធ្វើខ្លួនជាលក្ខណៈបិទបាំង (Undercover) ដើម្បីកុំឲ្យមានភាពចលាចលផ្សេងៗកើតឡើង។

Katy និយាយថា៖ "ខ្ញុំចូលចិត្តស្លៀកឈុតកីឡា Adidas ព្រោះតារាល្បីៗដូចជា Elton John និង Madonna សុទ្ធតែស្លៀកឈុតនេះ ពេញមួយអាជីពសិល្បៈរបស់ពួកគេ។ នេះហើយគឺជាល្បិចកំពូល ស្លៀកពាក់ឲ្យដូចមនុស្សធម្មតាទៅ គឺនឹងគ្មានអ្នកណាចាប់អារម្មណ៍ឡើយ៕"

អានអត្ថបទ៖

ប្រភព៖ Eonline ប្រែសម្រួល៖ ធារ៉ូ