Katy Perry ខឹង Taylor Swift ខ្លាំងដល់ថ្នាក់គេចខ្លួនពេល MV ថ្មីបញ្ចាំងនៅ VMAs

2017-08-30 08:34:17
ចំនួនមតិ 0 | ចំនួនចែករំលែក 0

ចន្លោះមិនឃើញ

មានហេតុការណ៍ជាច្រើនកើតឡើងក្នុងកម្មវិធីប្រគល់ពាន MTV VMAs កាលពីយប់ថ្ងៃអាទិត្យ ក្នុងនោះរឿងមួយដែលគេបំភ្លេចមិនបានគឺ Taylor Swift បានបង្ហាញវីដេអូចម្រៀងថ្មីនៅទីនោះចំពេលដែល Katy Perry ធ្វើជាអ្នកសម្របសម្រួលកម្មវិធី(Host)។

Katy Perry នៅកម្មវិធី MTV VMAs

តារាចម្រៀង Katy Perry មិនសូវជាសប្បាយចិត្តប៉ុន្មានទេចំពោះអ្វីដែលកើតឡើងនៅ VMAs។ ឱកាសកិត្តិយសដែលនាងបានក្លាយជា Host ប្រចាំកម្មវិធី ត្រូវបាន Taylor ដណ្ដើមយកដោយសារតែភាពល្បីល្បាញរបស់វីដេអូចម្រៀងថ្មី “Look What You Made Me Do”។

Taylor ដេកក្នុងអាងពេជ្រតម្លៃជាង១០លានដុល្លារក្នុងវីដេអូ "Look What You Made Me Do"

តាមពិត Taylor មិនចាំបាច់បង្ហាញវីដេអូថ្មីនៅពេលនោះផង ប៉ុន្តែនាងចង់ធ្វើបាប Katy Perry ។

Katy Perry បាននិយាយថា Taylor Swift គឺជាស្រីអាក្រក់ (Mean Girl) ក្នុងវិស័យចម្រៀង។ នេះបើតាមប្រភពជិតស្និទ្ធជាមួយ Katy Perry ប្រាប់សារព័ត៌មាន Hollywoodlife។

Taylor តែងខ្លួនធ្វើជា Katy Perry ក្នុងវីដេអូចម្រៀងថ្មី

នៅពេលនោះដែរ Katy បានចាកចេញពីឆាក VMAs ដើម្បីគេចវេះមិនចង់មើល MV ថ្មីរបស់ Taylor។ គូសបញ្ជាក់ដែរថា Katy បានអវត្តមានយ៉ាងយូរ លុះដល់វីដេអូចម្រៀង Taylor ចប់ហើយ ឈានមកដល់ការសម្ដែងរបស់តារាចម្រៀង Shawn Mendes ក៏គេនៅតែមិនឃើញ Katy៕

នេះគឺបញ្ជាក់ថាអ្នកទាំងពីរនៅតែខឹងគ្នាខ្លាំងមិនងាយឈប់នោះទេ ហើយអ្នកគាំទ្រជាច្រើនគឺកំពុងតែចង់ដឹងថា តើទំនាក់ទំនងពួកគេនឹងទៅជាយ៉ាងណានៅថ្ងៃអនាគត?

អានអត្ថបទ៖

ប្រភព៖ Hollywoodlife ប្រែសម្រួល៖ ធារ៉ូ