Taylor Swift បញ្ចេញអាល់ប៊ុមថ្មីចំថ្ងៃសំខាន់មួយរបស់ Kanye West!

2017-08-27 04:27:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងថ្មីរបស់ Taylor Swift បទ "Look What You Made Me Do" ត្រូវបានគេវិភាគដឹងច្បាស់ណាស់ថា នាងបាននិយាយអំពីជម្លោះរវាងនាងនិង Kayne West។

ហើយឥឡូវនេះស្រាប់តែមានព័ត៌មានមួយទៀតជុំវិញកាលបរិច្ឆេទដែលនាងបញ្ចេញអាល់ប៊ុមថ្មី "Reputation” នេះគឺចំថ្ងៃដ៏សំខាន់មួយរបស់ Kayne ផងដែរ។

វាអាចជារឿងគាប់ជួនក៏ថាបាន ដែលតារាវ័យ ២៧ឆ្នាំនេះមានគម្រោងបញ្ចេញអាល់ប៊ុមខ្លួននៅថ្ងៃទី១០ខែវិច្ឆិកា ដែលចំថ្ងៃខួបមរណៈគម្រប់១០ឆ្នាំរបស់ម្ដាយ Kayne West។

ម្ដាយរបស់ Kayne ឈ្មោះ Donda West ជាគ្រូបង្រៀនភាសាអង់គ្លេស ស្លាប់នៅអាយុ៥៨ឆ្នាំដោយសារផលប៉ះពាល់ពីការវះកាត់កែសម្រស់។

Kayne West និងម្ដាយ Donda West

តារាហ៊ីបហបរូបនេះបន្ទោសខ្លួនឯងសម្រាប់ការស្លាប់របស់ម្ដាយខ្លួន។ តារារួបនេះបាននិយាយក្នុងបទសម្ភាសន៍មួយរបស់ Q magazine ថា ប្រសិនជាខ្លួនមិនផ្លាស់ប្ដូរទីលំនៅទៅ Los Angeles ម្ដាយខ្លួនក៏មិនស្លាប់ដែរ។

គូសបញ្ជាក់ដែរថានៅក្នុងបទចម្រៀងថ្មីរបស់ Taylor នាងបានរំលឹកពីជម្លោះដែលកើតឡើងកាលពីឆ្នាំ២០១៥ ពេល Kayne និង Kim បានទាក់ទងនាងតាមទូរសព្ទដើម្បីដាក់ឈ្មោះក្នុងបទចម្រៀងមួយបទដែលមានចំណងជើងថា "Famous”។ ប៉ុន្ដែ Taylor មិនពេញចិត្តនូវអ្វីដែល Kayne ច្រៀងអំពីនាងជាហេតុនាំឲ្យជម្លោះផ្ទុះឡើង៕